السلام عليكم ورحمة الله وبركاته


يا اخوان حافز ذا يبي يستفز الناس ويجيب لهم الضغط والسكر لابوهم لابو شياطينهم
أول معاناه تأخير في صرف صعوبة الحصول على عمل .. علقوا المواطنين علق الله في نحورهم عواميد
ثاني معاناه التدريب وما ادراك مالتدريب .. اسألكم بالله امهاتنا والا المساكين اللي ماتعلموا ووتعدى اعمارهم 35 يعرفون شيء اسمه تدريب اكاد اجزم ان 75% منهم مايعرفون للنت اساسا .. ليش يصعبونها عليهم
ثالث معاناه التدريب ايضا يعني انا متابع تدريب امي وخالتي وشبه يومي ادخل ومتابع الدورات فجأة كذا يجيني تغيب عن التدريب في دورة اسبوعية رغم انهم ماعطوني اشعار بوجود دورة شبه يومي ادخل واتصفح المهمات والواجبات ؟؟؟؟؟؟؟!!!!!!!!!
رابع معاناة دورة هالأسبوع .. جربت عشرات المتصفحات لين ضبط معي سفاري وعلى الايفون .. ضبط معي في اكمال تدريب امي .. لكن تدريب خالتي اكمل التدريب واجاوب على الأسئلة ويعطيني النتيجة 100% صحيحة واعمل حفظ و اغلاق ثم يقفل ويجي ( تابع التدريب ) وليس ( اكمل الأستبانة كالعادة ) اضغط على تابع التدريب يرجعني للتدريب و الأجوبة خاطئة 0% طيب كيف كذا وانا قبل شوي مقفل منها وأجوبتي صحيحة 100% اليس هذا استفزاز للشخص .. جربتها اكثر من مرة اقفل اجاباتي صحيحة يرجعني للتدريب مرة ثانية اجاباتي خاطئة ؟؟؟؟


خافو ربكم ياحافز لعبتوا في نفسية الشعب حسبي الله عليكم على هالتعقيد