اقتباس:
المشاركة الأصلية كتبت بواسطة حلمي البكالوريس
ايه لك مستقبل مشرق بأذن الله
اصحابي متخرجين منها وبعضهم متوظف في المؤسسة وبعضهم دخلوا كلية الملك فهد الأمنية
وبعضهم في سابك وارمكو
وطبعا شهادتك مهندس تقني
لكن ابغى منك تعطيني كيف قدمت وعلى اي كلية بالتفصيل الملل لان ابغى اكمل بس لسى ماخلصوا من قسم الحاسب الي
الله يوفقك وينور طريقك
|
الله يعطيك العافية أخوي "حلمي البكالوريوس" أسأل الله انه يحقق حلمك ان شاء الله في القريب العاجل
وأنا أخوك تقديمي دخلت هالموقع الرائع بصراحة وكنت والله جالس أدور على أي وظيفة قسم بالله العظيم نفسيتي تعبت وقتها وقلت خلني أدور على جامعة أدرس فيها من الصفر وابعد عن المؤسسة بكبرها ودخلت على موقع الجامعة السعودية الالكترونية وكلمتهم قالو لي التقديم يبدأ بداية شهر شعبان باذن الله كنت ناوي تخصص تقنية معلومات لأنة تخصص قوي قلت وقتها خلني ادخل على موقع بطالة وادور وظيفة اتعبر فيها دخلت هنا لقيت موضوع كاتبة أحد الاخوان تقديم على بكالوريوس الكلية التقنية للموظفين
دخلت على الرابط فتح موقع المؤسسة هذا الكلام اذا ماني غلطان شهر 4 عربي على ما أضن
دخلت وقدمت وكتبت الرغبات كلية الدمام التقنية و الثانية كلية الرياض التقنية و ارسلو لي رسالة بعد اسبوعين وكان اختبار قبولي بالكلية التقنية "بالدمام" كان كمبيوتر عن بعض ما تحتوية مذكرات الدبلوم بس والله انا درجتي الي جبتها بالكمبيوتر كانت أقل حتى من نص الدرجة وضاق صدري قالو لي باقي لك المقابلة الشخصية هناك بيحددون انت مقبول ولا لا بس ماراح يقولون لك
رحت دخلت عليهم خلاني ارسل له كم رمز من رموز الكهرب و ليش و في ايش نستخدم محولات رفع الجهد ؟ بعدها قال وش الرمز الي يطلق على القدرة بالانجليزي الرمز ووش انواع القدرة و رموزها بالانجليزي انا جاوبت لاكن مو جواب كامل بعدها عطوني مسألة رياضيات من الدرجة الاولى 0=5-3X
قال حل هههههه ياخوي انا من الربكة لو انه قايل لي 1+1 ما جاوبت
بعدها قالو اسألة عامة سألني عن شلال معروف بين كندا و امريكا وقال وش اسمة الي هو نياقرا
بس ما جاوبت وكانت أخلاقي قافلة والدليل اني قلت للشخص الملتزم الي سألني الأسألة العامة
وش هالأسألة يا شيخ !!؟؟
قالو خلاص خلصة الاسألة والله يوفقك
طلعت منهم وانا أخلاقي تحت الصفر بيني وبينك ورجعت للبيت قلت هالتخصص أنا مغيرة مغيرة الله لا يعوق بشر و باذن الله بأقدم على الجامعة السعودية الالكترونية اذا ما قبلوني التقنية
فجأة أرسلو لي رسالة قالو "اذا كان لديك رغبة بإكمال البكالوريوس في الكلية التقنية بجدة" عليك احضار اصول شهادة الدبلوم و صورة بطاقة احوالك للكلية التقنية "بجدة" !!!!! هنا الصدمة قلت وشلون قبلوني وليش حطوني بجدة ؟؟؟ كلمتهم قالو هالترم تخصص الكهرباء بيكون بس بجدة و الإنتاج بالرياض و الالكترونيات على ما اضن بالدمام !!!! قالو اذا تبي روح لجدة وكمل دراستك هناك
ورحت لجدة قالو لي اصبر لين يكتمل العدد نبغى أقل شي 12 طالب ولله الحمد اكتمل العدد وقالو الآن الموجودين بالكلية التقنية بجدة 3 دكاترة تونسيين لمواد التخصص فهذا الشيء جميل والباقين مدرسين مثل الحاسب والانجليزي و الثقافة قلنا ندرس و أمرنا لله ان شاء الله. اسمحو لي أدري اني كتبت كثير بس والله حبيت أوضح كل نقطة عشان الكل يكون على بينة وانا اخوكم.
أخوي حلمي البكالوريوس
ما أدري والله متى راح يفتحون بكالوريوس الحاسب ولاكن عندي شور لك اذا انت مستعد تدرس انجليزي بدرجة جامعية أفضل من الكلية التقنية ادخل الجامعة السعودية الالكترونية تخصص تقنية معلومات او فيه تخصصات للحاسب برضو وبشهادة جامعية انتظام
سعر الترم 1350 ريال الدراسة تحضر يوم واحد بالاسبوع فقط والباقي على النت و الله يوفقك ان شاء الله وانا اخوك .
عندي سؤال لك أخ حلمي البكالوريوس ( أصحابك الي أخذو بكالوريوس الكلية التقنية على أي قريد متوظفين في سابك و أرامكو ؟ )