حلول البطالة Unemployment Solutions - عرض مشاركة واحدة

صريحة · #**845** (**permalink**) 06-05-2014, 10:17 AM

اقتباس:

المشاركة الأصلية كتبت بواسطة عزه بنت عزيز

صبحكم الله بالخير
من اليوم وانا احوس بهالمنتديات لين طبيت عليكم وزين اللي لقيتكم لأننا محتاجين هالتجمعات ويارب زي ما تجمعنا هنا نجتمع بإذن الله في قسم المتعينات
المهم انا لي 9 سنوات منثبره بالبيت لا شغله ولا مشغله ماغير اصحى من فجر رب العالمين واسوي بلعه لأخواني واخواتي المداومين
(ملاحظه اسوي بلعه بمعنى اخذ الصامولي والجبن مع الشاهي واحطه بالصاله ) واجلس ودلتي قدامي اتقهوى مع اميمتي الله يحفظها ويحفظ امهاتكم جميع واقلب عويناتي واتمقل في الرايح والجاي لين يداومون وبعدين مايمديني ادور النوم إلا وجارتنا تفقع بالباب موديه بنتها ومسيره على امي وتعالي ياعزه قهوي ام محمد واقهويها وتعطينا من هالسوالف اللي محليها ربي

واطالع وليا مايمديني انام وراي غداء واستنى اقاوم النوم وعيوني غاديه حمراء واركب الغداء وإذا جوا من مدارسهم تغدوا وبعدين ما اشوف شي غير السرير وانام لين آذان العصر اصحى
المهم مالكم بالطواله عندي كم سؤال
1-كم تتوقعون إحتياج هالسنه ومتى راح ينزل
2-بنات إعداد معلمات دراسات كم كانت نقاط اخر وحده تعينت العام وبأي منطقه
3-بنات إعداد معلمات دراسات اللي اجتازوا قياس اكثر والا اللي ما اجتازوا
فيه اسئله ثانيه بس الحين راحت إذا تذكرتها بكتبها لكم
وسسسسسلاممممتكم يالله عاد امسسسكوووا

هههههههه ياحلو سوالفك

اعداد معلمات احتياجهم 400 واقل تقريباً طبعاً نسيت كم بالضبط لان الارقام متفاوته بس العموما مايزيد عن 400

ماندري اكثر اللي اجتازوا اعداد ا لا بس ترا خريجات اعداد معلمات اقل بكثيرررر من خريجات التربيه والجامعه

بس غريبه انتي لك متخرجه 9 سنوات واعداد ولاتعينتي ..! شكلك ماتختارين الا منطقتين او ثلاث

لان كثيررر اعداد معلمات ترشحوا ونقاطهم قليله ب70

محدثتك اعدادمعلمات نقاطي75 خريجه من خمس سنوات