السلام عليكم
مساء الخير
ياجماعة انا بستشيركم في مووضوعي وياليت الناس اللي عندها خبرة في هالامور والقوانين يفيدني ..
انا سويت مقابل شخصية بتاريخ 31/1/2014 في شركة ..
وفي نفس اليوم ارسلولي العرض الوظيفي ..
في تاريخ 1/4/2014 رديت عليهم بالايميل اني موافق على العرض
وراح تكون مباشرتي بتاريخ: 1/5/2014
وفعلا باشرت في تاريخ 1/5/2014 خلوني اوقع على ورقة مباشرة فقط ..
بعدها بيومين جاتني رسالة من التأمينات اني اتسجلت بالتأمينات ..
كلمت مديري قلتله ترا الى الان ما وقعت عقد عمل !؟؟
قلي طيب انا اكلم الاتش ار ..
بعد يومين برضو جوني الاتش ار واعطوني ورقة افادة عن التأخير 30 دقيقة ورديت عليهم فيها
وسألت الموظف عن العقد قلي العقود ماهي عندي ..
سألت موظف ثاني قلي نفس الكلام العقود ماهي عندي ..
كلمت موظفة العقود اكثر من مرة وكل شوي تصرفني بكرة بعده بكرة بعد العصر
واليوم كملت 8 ايام ما وقعت عقد ؟؟؟
السؤال هنا ... لو ماطلوا فيني اكثر من كذا ايش اسوي؟؟ اشتكي؟؟ وهل تسجيلي بالتأمينات وتوقيعي على عرض العمل يشفعلي في مكتب العمل ؟؟
اللي يدور في راسي.... اني يوم الاحد ارسل ايميل شديد اللهجة لمديري بخصوص موضوع العقد وما راح احط يدي في اي شغل ابدا ...
انتظرر ردودكم الله يعطيكم العافية
افيدوني ..