المشاركة الأصلية كتبت بواسطة الراااااااااجية

الموضوع ياعمري كان بنهاية شهر 3 او بداية 4 ان ماخاب ظني
نزلت وظائف نسائية بديوان المظالم وتم التقديم
وطلع اسمي من المقبولات مبدئيا الى الان الوضع عادي
حددوا فترة مقابلة شخصية وتكون مع رجال عبر المايك + اختبار حاسب
وشوفي انوااااع الاشاعات والهرج واحنا نتابع هنا وهنا والتوتر يزيد خاصة ان المقابلة مع رجال
فما عندنا تصور عن الوضع كيف
بدأت المقابلات ويوميا ندخل نقرأ كيف كانت مقابلة البنات ونشوف الاسئلة ونحضر لها اجوبة
جا يوم المقابلة وكانت ولله الحمد مرررة حلوة وانبسطت وارتفعت معنوياتي
طبعا المقابلات استمرت لمدة شهر لان العدد كان كبير ماشاء الله
بعد شهر من المقابلات وبعده شهر انتظار النتيجة وترقب وبحث يومي

طلعت النتيجة وطلع اسمي مقبولة وصورت الصفحة وسجدت ابكي من الفرح انا واهلي

وخرجوني اهلي نتعشى برى من الفرحة

وانواع الاحلام والتخطيطات صراحة كانت فرحة كبييييييييرة خاصة ان العدد كبير وربي كتب لي القبول

ارجع اخر الليل ادخل المنتدى اشوف الهروج تغيرت

واللي طلع لهم قبول رجع طلع لهم رفض

واروح وادخل الموقع فعلا ظهر لي رفض بعد الاجواء اللي عشتها

قلنا يمكن ضغط وما ضغط وفترة ويكند ننتظر ليوم الاحد مع بداية الدوام ونشوف

ويروح اخوية من الساعة 8 الصباح قالوا له هذا خطآ فني والمقبولين تم الاتصال بهم هاتفيا

وان كان خصممك القاضي من تقاضي

طبعا تكلمنا كثير وشاركنا ببرامج تلفزيونية ورفع لنا محامي قضية
ونزل الخبر بسبق لو حابه تشوفيه ع الرابط

http://sabq.org/GEZfde

وهذي القصة باختصار ياحبيبتي

والله يرزقنا من واسع فضله