استفسارات لا عدمناكم .. سجل تجاري+شركات شحن+حساب بنكي+جمارك @@@@@@@@@
السلام عليكم ورحمة الله وبركاتة
ودي افتح سجل تجاري واطلب من بعض المواقع الصينية والأمريكية ..لكن عندي بعض الإستفسارات
طريقة فتح السجل معروفة ولا ودي نعيد ونكرر الكلام فيها لأنه يوجد الكثير من المواضيع اللي تم شرح كل صغيرة وكبيرة فيها واهمها موضوع المشرف
((( السلاطين ))) الله يجزاه خير
وهذا رابط الموضوع https://www.btalah.com/t503231.html
----------------------------------------------------------------------------------------
@@ طبعاً نفرض إني مطلع السجل التجاري @@
وش هي افضل شركة شحن من ناحية السعر والتعامل ( من واقع تجربتكم انتم )
وش يطلبون مني..؟ هل الاشتراك شهري او على حسب الطلبية وكم السعر
اذا طلبت بضاعة مثلاً بـ 20 الف تجي البضاعة لشركة الشحن اللي انا متعامل معهم مباشرة وهناك انا ادفع رسوم الجمرك على البضاعه .. أو .. لازم اروح للجمارك بنفسي واخلص إجراءات البضاعة أو اوكل مكتب تخليص جمركي .. ( وش الطريقة )
هل يلزم يكون عندي صندوق بريد امريكي اذا بطلب من المواقع الامريكية أو اذا تعاملت مع شركة شحن يصير ماله لازم ...؟
اذا بفتح حساب بنكي للمؤسسة في احد البنوك .. وش المطلوب .. لأني بصراحة في موضوع
( السلاطين ) فيه واحد رد يقول .. يطلبون السجل والختم فقط .. وفي موضوع اخر نسيته والله.. يقول .. لازم عندك رخصة محل وإن البنك راح يطلع يشوف محلك ( ياليت احد يعطينا العلم الأكيد )
هذي الاستفسارات اللي ودي افهمها مبدئياً وباقي استفسارات ان شاءالله بعد تنوروني بنصايحكم
التعديل الأخير تم بواسطة تكسي الرياض ; 14-05-2014 الساعة 03:29 PM
|