اقتباس:
المشاركة الأصلية كتبت بواسطة تعبت أسكت
وعليكم السلام
هلا والله دامك زميلانا وحبيبنا وحياك الله عندنا
اول شي ابيه ابيك تقولي انت وين دورتك؟
ثاني شي ابيه تقولي انت وش شهادتك وايش تخصصك ؟
ثالث شي ابيه ابيك تقولي شرح عن الدورة وايش المهم
تنصحنا نسويه او نشتريه او نلبسه من ناحيه الدورة
الدورة سهله والا صعبه
واذا سلمت الملف واموري في السليم
اعتبر نفسي مقبول نهائي
وسلامتك واسف على الاطاله
وترا حنا بحاجتك تكفى لا تتركنا
والله يوفقك ويخليك لأهلك 
بالتوفيق  |
الله يحييك ويخليك ،، اولا انا كنت فهالمنتدى وبنفس القسم هذا قبل 6 شهور وموضوع نفس هالموضوع لو ترجع لصفحات الاوله يمكن تلقاه فيه جميع الاستفسارات وراح يفيدك وربي حاس وعارف الي تمرون فيه من قلق وتفكير بس اقول لك هونها وتهون ،،، بالنسبه لي انا لي حدود 5 سنوات عاطل والحمدلله رزقي جا فالحرس الملكي فاللواء الخاص فالرياض ودورتي فاللواء الخاص شهادتي ثانويه ،، تخصصي امن وحماية شخصيات ،، بالنسبه لدورتنا ماقول لك كرف ولا اقول دلع يعني الخمس وربعين نفسيه شوي بس اهم مافيها اللياقه انا دخلت متين وعانيت شوي لمن صار عندي لياقه ورتحت يعني لو تدخل بلياقه ترتاح ،، كانت فترة الخمس وربعين نصحى الساعه 3 ننظف الحضاير ونشكل طابور لمن الفجر حدود ساعه صافين بعد الفجر نصف عند الفطور والمدربين يستلمونا جزوات امتد اجلس انهض لمن يدخلونا الميز بعد الميز نشكل طوابير ونهرول طبعا بدري كل هذا يمكن الساعه تكون 5 الفجر بعد الهروله عندك حصة مشاه لمن 11 الظهر تتضمن الحصه تدريب مشاه وجزوات وتدريبات سويديه ونطلقات وكل شي بعدين نروح نوضي لظهر وبعد الظهر غداء وبعد الغداء ياتصليبه للعصر يايفكونا نريح تحت الباصات للعصر والعصر فترت ميدان زي الصبح لمن المغرب وبعد المغرب عشاء لمن العشاء وبعد الشعاء نروح نشكل طوابير وياخذون تكميلنا ويبدون طقطقه وجزوات لمن الساعه 10 ويصرفونا ننام لمن 3 ويبدا يوم جديد ،، طبعاً. اعتذر لك لني اختصر فالموضوع لني ارد من جوالي والكتابه مش مريحه لكن ان شاءالله يكون كلامي مفهوم،، بالنسبه لطلبات راح يعطونك بعد ماتسلم اوراقك ورقة طلبات الي تاخذها معك من منشفه وشانبو وملابس رياضيه اشياء خاصه فيك. ،، ودام عطوك اوراق العمده والملف مقبول باذن للاه في افضل قطاع عربي وليس سعودي فقط افتخر