ميامن انا عندي احساس كبير بخطيبي
فجأة اكون اعد مع اهلي مافيني الا العافية الاقي بطني توجعني بقوة او جاني صداع مفاجي او اكون مبسوطة وينقلب مزاجي او العكس فنفس اللحظة الاقيه مرسلي رسالة يقولي انه تعبان
مرة جلست اسبوع قلبي مقبوض وكل يوم اكلمة واسأله اتطمن عليه يقولي بخير مرة دقيت علية ومارد وارسلي يقول انا بالسيارة وعنده دوشة ومايقدر انا قلبي انقبض لما قالي فالسيارة وجلست ابكي لاشعوريا وغصبته يرد علي واتطمنت عليه بعد يومين صار عليه حادث بس ربي سترها والحمدلله
وكثير اجي امسك الجوال ادق عليه الاقيه يدق او احيانا ادق عليه يرسل لي يحلف انه كان يدق واحيانا هوا يسبقني ويدق
مرة كنت جالسة اناظر القمر والف كلمة وكلمة تدور فبالي قمت ورسلتله اني انا والقمر نتكلم فيك صار لنا يومين ماوصلك القمر كلامنا والله رجع وارسلي متجنن ويقول انه صار له يومين يطلع للقمر يكلمة
وكثير يسبقني ويقول الكلمة الي ابقولها ويعرف يوصف احساسي
ويعرف اذا كنت متضايقة حتى وانا مبتسمة
ويحس فيني اني متضايقة وان عندي مشكلة وهوا ماسمع صوتي يقولي قلبي مقبوض وحاسس ان فيني شي بس كثير اطمنه عشان مايقلق وهوا فالخارج
يعني موجود فعلا التخاطر
بس راح اجرب الطريقة المطروحة ولي عودة اقولك ايش صار