اهنيك على مشروعك ولا تيأسين ولا تحبطين هي كذا دائما البدايات صعبه
لكن بعد ماتخطين البدايه راح تجين ثمار تعبك وجهد وراح تستمعين بشغله اكثر واكثر
مع انك هلاليه وانا نصراوي مفروض ادعم منافسيكم ولا ادعمك <~ دوعابه 
عندي ملاحظات يمكن تفيدك بخصوص مشروعك
تحتاجين تنضمين شغلك اول بمعنى حساباتك في تويتر والانستغرام وتفتحين لك حساب في اليوتيوب
انا دخلت حسابك في تويتر مافهمت شيء عنك بصراحه على انك تقدمين خدمه
التعريف اللي في البايو مافي شيء يدل انك تقدمين خدمه معينه
هذا ماهو حسابك الشخصي حتى ترتويتين لتغريدات شعر واشياء ثانيه
هذا حساب يخص الخدمه اللي تقدميها ولازم تكون التغريدات والرتويت فيه تخص الخدمة المقدمه
يعني تحتاجين تنضمين شغلك حتى اللي يدخل حسابك في اقل من 10 ثواني يعرف انتي وش تقدمين خدمه من خلال " النظرة الاولية "
تقدرين تدخلين على حسابات تقدم نفس خدمتك وتقتبسين من الافكار في توضيح خدمتهم
ماهو عيب تستفيدين من خبرة منافسيك حتى تنافسينهم
نجي للمهم انتي تحتاجين تسوقين نفسك حاولي تستغلين الاحداث وتسوقين نفسك من خلالها بحسابات اخرى تغرد بخدمتك وتنشر حسابك وتصاميمك
بما انك لك خبره في المونتاج تقدرين تسوين مونتاج للحدث نفسه مثلا مثل قضية سالم العصيمي
مثل قضية إقالة سامي الجابر هي تكون فيها الاحداث ساخنه ومتابعه انتي استغلي هذا الحدث
بحيث تسوقين نفسك من خلاله بمونتاج عن الحدث وعاد انتي وخبرتك وافكار في المنتدى
لكن قبل انت ذا كله لازم انتي تنضمين حساباتك وخدمتك وايضا تشوفين حاجة الناس والشيء المرغوب يمكن التصاميم ليست مرغوبه عن الناس
انتي هنا يجي دورك تستغلين خبرتك في التصميم في شيء يرغبون فيه الناس
شيء ثاني مهم وهو في ناس تقدم خدمه الطباعه على التيشرتات والكاسات وغيرها
لكن تصميمهم خياس انتي هناك ابحثي عنهم الناس هذي واعرضي خدمتك عليهم
مجال التصميم واسع جدا وفيه افكار بالهبل انتي موهوبه لا تحكرين نفسك في شيء تقليدي الناس اعتادت عليه وتقتلين موهبتك
حاولي تبتكرين اشياء وافكار مع موهبتك وتخدم مشاريعك في شيء انتي تحبيه وموهوبه فيه
نصيحتي لك قبل ماتبدين في تسويق نفسك بقوه نضمي نفسك ورتبي افكار
مو شرط انك تجيبين افكار جباره وخطيره عشان تنجحين في مشروعك
تقدرين تقتبسين فكره وتطورينها بما يخدم موهبتك وتستفيدين منها
حتى اوضح لك اكثر مثل مو شرط تبيعين تصاميم لانك مصممه
تقدرين تبيعين تي شرتات " ساده " عليها تصاميمك
مع ان الفكره اصبحت تقليديه وكثير اللي نفذوها لكن طرحتها كمثال
لي عوده