وعليكم السلام ورحمة الله وبركاتة


شوفي هذا الموضوع واقري فيه كل كلمة

https://www.btalah.com/t572978.html



خليه يروح الرياض تجنيد الحرس الوطني مبنى 21 للتجنيد

يدخل على التجنيد هناك في ضابط عايلته العيسى خليه يمسكه ويقوله عن حالته لايستحي

وبأذن الواحد الاحد ماراح يرده وراح يسجله

التسجيل راح يتوظف في الرياض والاحساء بس هم اكثر شي يبون يوظفون على الاحساء

بس مو مشكلة خليه يكلم الضابط العيسى وان شاء الله ماراح يرده في ناس محتاجه وابد خذ اوراقهم وتعينو على طول وهالشي بشوف عيني يوم الخميس الى فأت

الان الحرس فتح التسجيل لأول مره بهذي الطريقة من بعد حرب الخليج والان فتح مره ثانية واخيراً

والا الحرس معروف له يمكن 20 سنه مافتح بهذي الطريقة والتوظيف فيه كل واسطة وارقام سراء طويلة جداً يخلص عمرك وتو يجي رقمك


لايستحي والله اذا استحى راح يجلس في البيت



يروح مبنى التجنيد في الرياض مبنى 21 ومبنى التجنيد لاتخافين ماهو زحمة ويقدر يكلم الضابط وهو ماخذ راحته ويفضفض له ولا احد حوله

والضابط العيسى هذا مو في مكتب يروح يسأل عنه لا لا

أول مايدخل التجنيد راح يشوف شبابيك وناس جالسه على كراسي تنتظر تكمل اجرائتها

هو ويروح للأستقبال على طول وراح يشوف الضابط في الاستقبال

خليه يسال الى في الاستقبال ويقولهم وين الضابط العيسى وراح يأشرون عليه


وهو مشاء الله عليه مميز

أقرع ومايلبس فوق راسة شي وملتحي مشاء الله وابيض مشاء الله ومليان جسمة وهو الوحيد بكذا مواصفات هناك

جعل ربي يوفقه دنيا واخره ويسهلها عليه وين ماكان و وين ماراح دنيا واخره

يعني أول مايدخل راح يعرفه على طول بهالمواصفات مشاء الله عليه


اذا دخل مبنى التجنيد كانه داخل مستشفى او مكان لمواعيد كذا

فيه شبابيك وقدام هذي الشبابيك كراسي نأس تنتظر هذي الشبابيك للتعيين والدورات الخ الخ

وفيه الاستقبال الطاولة الكبيرة الى يستقبلون الناس الى جاية تسجل

ومافيها حواجهز ابد في الاستقبال تروح وتسلم و وجهك في وجيهم


شروط الحرس مافيه تعقيد الى عمر 40 سنه يقبلون

الطول 160 ياخذونه

النظر عادي حتى لو مايشوف يلبس عدسات وتمشي اموره ولا احد يدري عنه << بس يستر على حاله ولا يعلم احد هع

باقي الشروط اقريها في الموضوع الى عطيتك رابطه



والله يسهلها عليكم ويرزقكم من واسع رزقه ويفرج همكم يارب وماتجي السنه الجاية الا انتي مكفخة زوجك وقايله له تبين احسن فستان هههههههه

بالتوفيق ....