كيمياء13
كلية التربيه للعلوم بجازان تأسست عام 1412
وكنا في قاعه وحده يعني عدد الطالبات في سنه اولى مثلا 150 طالبه وكذلك الفيزياء والاحياء مثلنا
لكن الرياضيات كانوا قاعتين يمكن 300 طالبه
انتي شوفي مثلا بعد التخرج اكيد راح يتصفوا البنات اللي مانجحوا
فقدري كم ممكن يتخرجوا في العام الواحد
اللي درسوا اول ناس بالجامعه تعينوا اول ماتخرجوا ومنهم ناس قرايبي
بس كل مازادت السنوات تكدست الخريجات
والله العظيم معلماتنا بعضهم ناجحين بمقبوووول وتعينوا فورا ليش لانه كان فيه احتياج كبير ومعظمهم درسوا بابها لان جازان ماكان فيها غير كلية صبيا
والمواد العلميه غير موجوده
ومافيه تخصصات مثل الرياض
بس بعد ماجا الملك عبدالله الله يحفظه نقل جيزان نقله كبيره
مين كان يتصور اننا بنشوف جازان كله جامعات بمختلف التخصصات
بس والله ماجات الا بعد ماصار فيه فائض بالخريجين
لو عني مادرست كيمياء ابد بس ماعندي خيار انا مو ولد ادرس بالرياض واتغرب وادرس التخصص اللي اتمناه
واليوم اللي تبغى تتعين لازم تقدم في غير مدينتها طيب انا وين اروح واخلي بيتي واولادي
وحتى لو تعينا بنفس المدينه تخيلي بعضهم يخرجوا من بيتهم الساعه 2 ويصلوا الفجر بالطريق وبعدها بيكملوا الطريق مع سياره ثانيه
غير الحاله النفسيه من الطريق والحوادث
عندنا وحده منتظره التعيين من زمان ولها سنين ويوم تعينت شوفي باشرت شهر وصار عليها حادث وماتت وتركت وراها عيالها يبكون عليها
وامها تتحسر وتقول ياليته ماجا هذا التعيين


لكن مانقول مالنا غير ربي ينصفنا
ويسخر لنا الامير خالد الفيصل ويحل مشكلتنا