اخوي دائما انا تفكيري بالمشاريع يكون تحت ضوابط معينه لاني بطبيعه الحال موظف وهذا اجتهاد مني قدر اكون مصيب وقد اكون مخطئ الا وهي:
لازم مايكون فيه محل لاني موظف ولا اقدر اديره بالوقت الحالي
لازم ما يكون فيه عمال لان العمال مشاكلهم كثيرة ولا تقدر تصيطر عليهم الا اذا انت متفرغ
لازم يكون راس المال مو كبير حتى لو لا سمح الله خسرت اقدر اقوم مرة ثانية باسرع وقت "من عادتي ما اتعدى 5000 ريال "
في هالحالة المشاريع الى اقدر اسويها هي
في كل فتره يهبون البنات بشغلة مثلا قبل فترة هبو احذيه تومس وانتو بكرامه فكنت اشتغل فيها اجيبها من دبي 35 درهم وابيها 120-150 ريال وهذا ليس طمعا لكن سعر السوق
وفي بعض المواسم لها بضايعها
مثلا قرب رمضان والناس بتشتري تمر بكثره ، و الزعفران كذالك ، ولو شديت الهمة واكيد بتلقى معارض في رمضان تقدر تستاجر منهم ركن وتبيع بضاعتك من ملابس او عطورات او غيرها.
ولو ضربت عصورين بحجر وسافرت مثلا للكويت واخذت معك تمر ومعروفين الكويتيين يحبون خلاص الخرج وبعته على المحلات هناك " بسوق المباركية" منها سياحة وتجارة
ان شاء الله وصلت وجهت نظري واسف على الاطالة
بالتوفيق