اقتباس:
المشاركة الأصلية كتبت بواسطة الهلالي ريان
أبشركم أمس الأحد رحت لهم وقدمت أخذ النقيب مني ومن الشباب صوره للشهاده وصوره للبطاقه وقال الرتبه عريف والتعين بالاحساء واللي تخصصه موجود على نفس تخصصه واللي مو متوفر تخصصه على المشاه انا حطوني مشاه كتيبه 122 وبعدين نادوني من شباك التعين وطلبو صوره للشهادة واعطوني حوالي خمس اوراق اعبيها وااوقعها وابصم عليها واسلمها لنفس الشباك واعطوني ورقتين وحده للكشف وعبيتها والثاني اختبار قراءة وكتابه وقالو اكتبو النموذج اللي على الاستقبال وعبيت النموذج وسلمته للاستقبال وطلبو صورتين شخصيه بعدين نادوني واعطوني ورقة الاحوال والجنائيه (كل واحد يسوي الاحوال من اول منطقه اصدر منها الهويه والجنائيه من المنطقه اللي ساكن فيها ) واعطوني بطاقة الكشف الطبي وقالو روح للشباك عشان يعطونك موعد الكشف ورحت للشباك واخذو مني صوره وحده شخصية وخلوني ابصم على ورقه واعطوني ملف التعين وبطاقة الكشف الطبي وموعد الكشف هذا كل شي صار معاي بالتفصيل
أنا عينوني على رتبة عريف تخصص مشاه كتيبة 122 لواء الملك عبد الله بالاحساء
سؤالي للاخ اروع بما انه خلص جميع اوراقه
الحين ورقة الاحوال والجنائيه والملف اسويهم الحين ولا بعد ماتطلع نتيجة الكشف الطبي
والشهود والمعرفين ينفع اخواني او لا
وبالتوفيق للجميع
|
اولاً مبروك عليك اخوي القبول المبدئي
وان شاء الله ربي يوفقك وجميع الاخوان وتعدون الفحص الطبي والقبول النهائي
انا معك في كتيبة 122 
الا اذا غيروني بعدين وكل شي جايز والحمد لله على كل حال وفي جميع الاحوال الحمد لله
أسمع وركز معي
الحين مدامك موجود في الرياض تروح تسوي الادلة الجنائية
ماتاخذ لك الا 30 دقيقة عشأن بس راح تجلس انتظار وقدامك نأس تبصم والا هي 3 دقايق وانت مبصم وخالص
ماراح تستلم البصمات في نفس الوقت راح يقولون لك روح وارجع لنا بعد يومين
مو مشكلة انت رح ديرتك وارجع للكشف الطبي واذا خلصت الكشف الطبي روح الادلة وخذها منهم
عادي لو تجلس عندهم البصمات شهر وبعدين ترجع تاخذها منهم عادي جداً
وانت اصلاً موعدك للكشف الطبي أسبوع الجاي
يعني روح بكره اعمل البصمات في الادلة الجنائية في الرياض وتوكل على الله ديرتك وبعد أسبوع ارجع للرياض للكشف الطبي وبعدها مر الادلة الجنائية واستلم نتيجتك
الا اذا بتجلس في الرياض هاليومين على ماتخلص البصمات وتاخذها وتمشي ديرتك براحتك
أهم شي راح يعطونك كرت صغير مسجل فيه رقمك واسمك انتبه هذا الكرت يضيع
هذا الكرت الصغير عشان تستلم بصماتك بعد يومين لجيت تراجعهم
وعلى فكرة مو شرط انت تستلم النتيجة بنفسك
انا رحت بصمت ومشيت ديرتي وعطيت الكرت واحد خليته يستلم بدالي البصمات
لنا في أستلام البصمات عادي اي شخص يستلمها ولا يقولون له انت مين
اهم شي عنده الكرت هذا عشان يستلم البصمات وبس
فهمت الحين شنو تسوي من ناحية الادلة الجنائية ( البصمات ) ؟؟؟
----------------------------------------------------------------------------------------------------------
الاحوال البرنت
ورقة الاحوال مايحتاج تسويها الان سويها لمن تخلص الكشف الطبي
يعني اذا فحصت الكشف الطبي ورجعت ديرتك هذيك الساعه روح سويها
وعلى فكرة ترا الاحوال ماتاخذ منك الا 10 دقايق و انت خالص
بس انتبه لخذت برنت من الاحوال خليهم يختمونها لك من الارشيف ويحطونها لك في ظرف مختوم
انتبه ترا بعض الموظفين حمار يعطيك البرنت ويقولك خلاص روح
مايصلح كذا لازم يختمونه ويحطونه في ظرف مختوم ولازم يصدرها بتاريخ ورقم اصدار
----------------------------------------------------------------------------------------------------------
الدفتر الى تعبية
نفس الحكاية لاتسويه الا بعد ماترجع من الكشف الطبي
لمن تفحص الكشف الطبي وترجع ديرتك هذيك الساعة امسك الدفتر وعبية على راحتك
الدفتر عندك افتح أول صفحة على يدك اليمين راح تشوف شروط تعبئة الدفتر
أتبع الشروط كلها
ولاتنسى تأخذ صور للمعرفين
وصورة بطاقة الوالد
----------------------------------------------------------------------------------------------------------
يوم الاحد قبل يوم الكشف الطبي
شوف لابد تكون موجود يوم الاحد القادم قبلها بيوم للكشف الطبي لابد تكون موجود
تروح شباك الى عطوك موعد للكشف الطبي
تعطيه بطاقتك الشخصية وراح يقولك كم رقم مجموعتك للكشف الطبي
هذا رقم المجموعة تحفظه في راسك
لنا في المستشفى راح ينادون بارقام المجموعات
مو شرط تجيهم بدري يوم الاحد ولا شرط تلبس وتكشخ
روح لهم لو الظهر الساعه 1 عادي
والله أكلمك جد انا كذا رحت لهم الظهر وعطيته بطاقتي وعلمني رقم مجموعتي وتوكلت على الله
وبس هذا كل السالفة ليوم الأحد
----------------------------------------------------------------------------------------------------------
يوم الأثنين للكشف الطبي
يوم الاثنين موعدك الساعه 3 الصباح ( الفجر ) تحظر عندهم لاتتأخر خليك موجود في الوقت
اذا بتتأخر مره مره مره 3.15 هذا اقصى حد
راح يركبونك باصات والى عنده سيارة راح يقولون له الحقنا بسيارتك الخاصه
هناك في المستشفى راح تجلس من الساعه 4.30 أو 5 الصباح الى الساعة 12 الظهر
يعني خذ معك فلوس في جيبك عشان تشتري لك موية هناك
وعلى فكرة طول هالمدة راح تجلس جيعأن هع تعود هذا العسكرية
----------------------------------------------------------------------------------------------------------
ملاحظة
بعد ماتخلص كشف طبي
راح تنتظر النتيجة بعد 21 يوم راح تجيك رسالة على جوالك بالقبول النهائي
ويمكن تجيك الرسالة بدري شوية يعني بعد 16 يوم تجيك رسالة القبول النهائي
وشوف هذا الرد يمكن يفيديك
https://www.btalah.com/showpost.php?p...&postcount=109
وهذا ياجماعة هلالي راح يوم الأثنين تاريخ 1435/8/4 مدري يوم الاحد
وفي تسجيل وهذا الرجال سجل الحمد لله وانقبل على طول وعطوه جميع الاوراق على طول
الى يبي الحرس يروح يسجل وكل شي مكتوب في الموضوع بجميع التفاصيل الصغيره والكبيرة
ولا أحد يجيني يقولي اروح والا لا ترا بتهاوش معه 
حطو في بألكم شي واحد بس كل شي بيد الله سبحانه وتعالى وربي مايخيب ظن عبده فيه
صحيح انه في واسطات لعبه لعب بس ياجماعه توكلو على الله وربي سبحانه مايخيبكم ان شاء الله
وان شاء الله ان احنا ماقصرنا في اي معلومة
والله يوفقنا جميعاً
وأسف جداً على الاطالة ....