اقتباس:
المشاركة الأصلية كتبت بواسطة غنى الحربي
اشتغلت العام الماضي في عمل توزيعات للعيد براس مال 1000 ريال مشاركه مع بنت عمي
بعد طلب زبونتين استرجعنا راس المال وباقي كثير من الاغراض
المشروع مربح وجميل خاصه اننا قدمنا سعر اقل من التاجرات
توقفنا
والسبب الشراكه اكبر خطا
كان فيه اختلاف كبير ف تحديد السعر انا ابغى المعقول والاقل وهي تبغى زي التاجرات السعر الاعلى
كنت افكر ف استراتيجية المنتج ف متناول الجميع رخيص وجودة ممتاز والله نفس التاجرات الثانيات بس الفرق زبايني يكونون اكثر
هذي اول مشكله
ثاني شي واجهنا هو التوصيل زبونتين واخواننا المحترمين نشفوا ريقنا
ثالث شي لا يمكن اي ينجح مشروع فيه مديرتين
حاليا باقي عندي اغراض كثيره ما ادري اش اسوي فيها وافكر ارميها للاسف المهم استرجعنا راس المال وانفضت الشراكه قبل ما تنقطع العلاقه..
حاليا عندي مشروع المنافسه فيه قويه لكن عند افكار جديده
وجالسه ادرسه واوفر الخامات من 4 شهور تقريبا ولسى ما بدأت الله يعين ..
كانت هذي تجربتي وعندي افكار اذا حبيتوا اشارككم فيها ..
|
ماشاء الله عليكم
طيب اذا قدرتوا ترجعون راس المال مع نسبة من الربح من طلبين وبأقل سعر هذا دليل نجاحكم اعتبريها تجربة ناجحه
انتي قلتي انكم رجعتوا راس المال طيب والربح كيف كان ؟
لان اذا مافي ربح ماتعتبرين نجحتي
اذا راس المال 1000 ريال من المفترض يرجع لكم راس المال + نسبة من الربح
نسبة الربح هذه هي اللي انتم تتحكمون فيها
البعض يبالغ برفعها لدرجة تكون 100% مثلا القطعه بخمسه ريال يبيعها بعشره او 15 بضعف السعر وأكثر
والنسبة المعقولة تبيعينها ب 7 ريال
لكن فيها اشياء تخليك ترفعين من نسبة الربح
واهمها شغل يدك اذا كان العمل متعب جدا وياخذ وقت له قيمة
التوصيل لو عليكم له قيمة
الخامات الغاليه لها قيمة
الطلبات المستعجله اللي تسبب ضغط وتخليك توقفي شغلك الثاني له قيمة
انتم ماتناقشتوا بهدوء ولاجبتوا ورقة وقلم وحسبتوها صح
حلو تبيعين بأٌقل من سعر السوق وهذا يعتبر ميزه قوية لمشروعكم بس انتبهي لاتبيعين بخساره
قسموا المهام بينكم عشان ماتختلفون
واحسبوها صح