هذا الخطا اللي ما توقعـت يخطيـه
شف كيف كشر طيب القلـب نابـه
أثر الحسد لا عشعش بصدر راعيـه
يجعل من قلـوب الحبايـب ذيابـه
اللي تعلـم مـن سكوتـي تماديـه
علمنـي استقبـل خطـاه برحابـه
والواجب انه لو جحد فزعتـي فيـه
ما يجحد حقوق النسـب والقرابـه
وأنا اللي يوم ان المصايـب تبكيـه
كنت أقرب إله بضيقته مـن ثيابـه
اللي تعـاف أولـه ينعـاف تاليـه
وأنا كفا صدري من الغيظ مـا بـه
من لا وقف لي وقفة رجال ما ابيـه
يغني عن حضـور المقفـي غيابـه