السلام عليكم ورحمة الله وبركاته

في هذا المنتدى الجميل نتبادل الفوائد والخبرات وانا متابع من سنين ماضيه كزائر

ولااخفيكم انني استفدت كثير من نقاشات بعض الاخوان

لكن في الفتره الاخير انتشرت سالفة الشراكة والاستثمار

مثلا شخص يقول استثمر مبلغ كذا وكذا والربح يكون 30% الى 40%

وعروض مغرية جدا وفي الاغلب يامحتال او يريد راس مال لغرض ما وفي الاخير انت الضحية

تذكرون مساهمات سوا وغيرها كانت ذيك الفتره الضمانات عالية جدا

شيكات / كمبيالات / عقود / سندات قبض

والمحصله مع وجود كل هالضمانات سلبت اموالهم بشكل غريب

المستثمر سجن واموال المستثمرين طارت

انا هنا انصحكم لوجه الله تعالى وخصوصا في مجال الاستثمار لاتثقون في احد ابدا

النصابين والمحتالين كل يوم يطورون اساليبهم وخدعهم فـ كن حذر

وبعض الاخوان يجيك يقول مشروع كذا وكذا عوائد لا تقل عن عن كذا وكذا

مادري شلون طلع نسبة الربح وهو اصلا مايعرف شلون يسوي دراسة جدوى لمشروعه

وبخصوص الاخوان اللي عندهم راس مال توجد مشاريع كثيره مربحه وتقل فيها نسبة المخاطره

راح يكون موضوع اخر مفصل كيف تستثمر اموالك بنفسك وبـ اقل نسبة مخاطره على راس المال

موفقين جميعا