وعليكم السلام ورحمة الله وبركاتة


والله شوف اخوي الكل راح ينصحك بالشي الى يتمناه هو

والى يشوفه هو الصح ويصلح له وبس

مافي احد بيعرف شنو ظروفك وكيف وضعك وكيف تحملك الخ الخ


شوف اخوي بالنسبة لي انا ( وأعوذ بالله من كلمة انا )

دور القرب من أهلك هذا أول شي قرب الأهل عز ياخوي

ثاني شي دور الراحة في الدوام

ثالث شي دور كم الراتب


والله انا هذا توزيعي للوظيفة وانت شوف الى يريحك

صحيح ان هذا الزمان ظهرك فلوسك محد بينفعك بس لمن تكون قريب من أهلك تهون عليك اشياء كثيره

منها الاجار ولمن تتزوج عيألك جنب امك وابوك الخ الخ وكل واحد وظروفه طبعاً ونصيبه وين

وهالشي مو معناتها كل واحد يشتغل جنب اهله الكل نصيبه ورزقه وين يتبعه

بس الافضل الى عنده واسطة او يقدر يضبط نفسه قريب من اهله أفضل


شوف اخوي

المباحث حلوة والامن العام حلوه وانت شوف نفسك اي وحده فيهم ترتاح لها وتحس انك تميل لها توكل على الله



وتوكل على الله وأهم شي مثل ماقلت انت

أكثر من الاسغفار والصلاة على النبي والحمد لله والله أكبر وسبحان الله

طول الطريق وانت رايح تقضى اي شي استغفر وهلل وكبر

وخل هالشي عادة في كل حياتك مو بس عشان وظيفة


و والله ثم والله انك صادق وربي

يوم اني قمت استغفر واهلل واسبح الله واصلى على النبي

وفعلاً التبرع يفتح لك أبواب رزق سبحان الله

افضل من اشغل لي اغاني وانا رايح وجاي واتحلطم مافيه وظيفه مافيه مافيه مافيه

والله توني أحس بهالنعمة بعد هالعمر الله المستعأن

والله العظيم كنت اروح اسجل في وظايف عن طريق واسطة وما الله يكتبها لي

والحمد لله حتى الرضى



وطبعاً الاهم الصلاه وتواصل الاقرباء

ولاتنسى صلاة الاستخارة

بالتوفيق