ياحبيبي وشفيك مستعجل باقي وقت على تداول الشركه الى الان مارجع الفائض ولا تم التخصيص

وبعد مايرجع لك الفائض تقريبا بعد شهر يتم تداول الشركة او على حسب هيئه السوق متى تحدد موعد التداول لكن احتمال شهر مثل باقي الشركات

وبعد مايعلن التداول لا تروح وتدرعم وتبيع من اول يوم لان الشغله تغيرت يكون الافتتاح من سعر الاكتتاب ونسبة التذبذب 10 %

واغلب الاسهم اللي تداولت بعد هذا القرار تأخذ لها اسبوع او اسبوعين الافتتاح يكون على النسبه وتقفل عليها

انت لا تبيع لين يفك النسبه اذا فك النسبه بيع غير كذا لا تبيع عشان تحصل لك ربح طيب

مع ان التخصيص لن يتجاوز 5 اسهم للفرد الواحد يعني ممكن تحصل لك 150 - 200 ريال

انت شكلك اول مره تكتتب وترى ماهو لازم تروح الصرافه تقدر من مباشر الافراد تكتتب وتبيع

الله يوفقك