المشاركة الأصلية كتبت بواسطة بوح ديزاين

اهلاً اخوي قائد
انا قدمت السنه الي راحت وطريقتهم كالتالي ،
هم عندهم جوا الكليه اكثر من قطاع وكل قطاع يسوي اختبارات ومقابلات لحاله
يعني انت تخصصك حاسب اوكي ؟
القطاعات الي تحتاج وتطلب تخصصات الحاسب هي
1 / مركز المعلومات ، 2 / كلية الملك خالد ، 3 / هيئة الطيران
انت وحظك ممكن كل هالقطاعات تناديك وتسوي لك مقابلات وكل قطاع مقابلته غير
واللي تخصصه شريعه مثلا ممكن يختارونه قطاع الشؤون الدينيه ويسوون معاه مقابله

انا السنه الي راحت اختاروني لقطاع هيئة الطيران وكان موعدهم يومين ورى بعض وكان معاي 16 شخص فقط .
# اليوم الاول ( إختبار انجليزي " اختيارات واستماع " ) وبعد الاختبار بساعتين مقابله شخصيه بسيطة مع ثلاث اشخاص ( عقيد واثنين نقباء )
# اليوم الثاني ( اختبار تخصص ) وكان دسم نوعا ما عباره عن 15 ورقه تحريري .

طبعا اختبار الانجليزي كان نوعا ما ماهو بسيط بعد الاختبار بساعتين قالو لنا الاوراق تصححت وأعلى درجة كانت 60 من 100 رغم ان كل الي اختاروهم لقطاع هيئة الطيران تقديرهم ممتاز .