السلام خواتي
طبعا بتكلم عن المقابلة اليوم
انا كان موعدي الساعة ٨ صباحا في ادارة الاشراف النسوي للاحوال المدنية ورحت لهم من بدري الساعة ٧:٣٠ وبعد نصف ساعة طابقوا شهادتي ودوراتي والهوية ووقعت على اقرار مااطلب نقل
بعد ساعة وربع نادوني على المقابلة طبعا انا ثانية وحدة دخلت
طبعا الاسئلة بتكون عرفي بنفسك ؟! وش كان طبيعة عملك لاول وظيفة اشتغلتها ؟! وليش تبين تتركين عملك الحالي
وليش قدمتي على الاحوال المدنية ؟! ماذا تعرفين عن الاحوال المدنية
وليش طلعت هوية وطنية ؟!
بعد خمس سنوات من الان وين تشوفين مكانك في الاحوال؟! وش نقاط ضعفك طبعا يكون هالسؤال في مجال العمل مايتكلم عن شخصك ابدا ؟! تفضلين العمل الانفرادي او ضمن فريق ؟!
كانت المقابلة جدا مريحة وطبعا اللي قابلوني جدا بشوشين
اهم شي الثقة بالنفس
التعيين حسب الرغبات اللي تسجلت في الموقع او حسب الايميل اللي ارسلوه قبل شهرين
نجي للاسئلة عن الراتب او هل مسجلين في التأمينات لان سالتهم واستغربوا ليش ابي اكون مسجلة في التأمينات
هل بتكون على بند الاجور
المديرة تقول كل هالتفاصيل ماتعرفها بس قالت لي اتركي رقم جوالك وبيدقون علي عشان اجابات الاسئلة ( وبرجع لكم اذا حصلت اجابة )
التعيين بيكون بعد مايرفعون الاسماء المتجازات ويكون الاختيار من قبل وكيل الاحوال
اتمنى للجميع التوفيق والله يكتبها لي ولكم ان كان فيها خير ويبعدها ان كان فيها شراً لنا
شكرا للجميع