اقتباس:
المشاركة الأصلية كتبت بواسطة مهندس مظلي
ياحبني لكم انتم بادين تسولفون بالأسلحة وانتم مابعد دخلتوا الكلية
اجل اذا وصلتوا نهائي بتسلفون بالتقاعد ونهاية الخدمه ؟ 
توكم بدري على هالسواليف .. الأسلحة مافكرنا فيها الا وحنا نهائي لا وآخر السنة بعد فلا تتعبون نفسيتكم بالتفكير هذا وانتم مابعد انقبلتوا مبدئي ..
الشئ الثاني فيه اشياء ماتنقال هنا ياشباب بخصوص الأسلحة وغيرها .. راح يفهمونكم زملاكم اذا دخلتوا الكلية كل شئ , الحين خلوكم على التقديم ومتطلبات التقديم والاختبارات المطلوبة للتقديم
اذا ولله فيه واحد يقول انا بسأل عن الأسلحة عشان بعد التخرج واعرف مستقبلي بعد الكلية انا اقولكم وش أنت بعد التخرج :
أنت ضابط برتبه ملازم في القوات البرية تتبع لأحد أسلحة القوات البرية ( مشاه , مدرعات , مدفعية , وحدات المظليين والقوات الخاصة , طيران القوات البرية , اشارة , مهندسين , تموين , نقل , صيانة )
طيب وين راح اتعين بعد التخرج ؟
تعيينك راح يكون في أحد المناطق العسكرية اللي هي : المنطقة الشمالية (حفر الباطن ) , المنطقة الشمالية الغربية ( تبوك ) , المنطقة الشرقية ( الظهران , الجبيل ) , المنطقة الجنوبية ( خميس مشيط , شرورة , نجران , جيزان )
هذي هي أسلحة ومناطق 90% من خريجي كلية الملك عبدالعزيز الحربية انت اعتبر نفسك في احد المناطق الي ذكرتها وواحد من الأسلحة الي ذكرتها غير الأسلحة هذي لا تتكلم عنها .. عندك واسطة الله يوفقك بس موب وقته تتكلم عن غير الاسلحة الأساسية هنا .
والله يوفقكم يا أخوان ويكتب لكم منكم ماتتمنونه , دخلنا الكلية وتخرجنا منها ولله الحمد بتوكلي على الله اولاً وثقتي فيه فلا تبخلون على نفسكم بالدعاء والتوكل عليه  .
|
[align=center]ههههههههه 
والله يا واحد من الضابط قاعد يسولف لنا عن التقاعد والرواتب بعد التقاعد
وأنا أقول خل الناس تسأل يمكن بعضهم قاعد يفاضل بين رغبات بعد الثانوية ولا بعضهم يجيك متحمس حاط الأستخبارات في جيبة وما يروح يتحطم ( يعني خلنا نحنا نحطمهم من ذا الحين 
) ومعلومااااات وافية جدا مشكوووووور أختصرت كثير من المواضيع .[/align]