اقتباس:
المشاركة الأصلية كتبت بواسطة يمقن ايه يمقن لأ
انا مثلكم
اخذت دبلوم ارشاد تقدير ممتاز بس للاسف اذا اضفته لازم احذف البكالوريوس
وماتوقع له مفاظله اصلا
لذلك قدمي بالبكالوريوس وارفعي نقاطك بقياس لانه مهم
حتى اللي تقديرها جيد تتساوى مع اللي تقديرها ممتاز اذا جابت بقياس درجه عاليه
انا بقياس جبت 52 درجه ضعيفه ونقاط بنت خالتي بقياس ماشاء الله 94 وشهادتها بالبكالوريوس جيد
صارت نقاطها بجداره اعلى مني بكثير نقاطي 70 وهي بالثمانينات
الله يوفقها
يعني اهتمي بقياس وقدمي بالبكالوريوس واذا تعينتي ارفعي لهم دبلوم الارشاد يفرغونك مرشده طلابيه
انا اعرف لي مرشدات مفرغات بشهاده الكليه المتوسطه والارشاد بوادي وهن بوادي
ماخذين الارشاد قهوه ونت وسوالف
والله اتمنى يتم النظر بهالامر من الوزارة
مشاكل بناتنا المراهقات تتفاقم وتزيد سوء والمرشده ماتدري وين ربي حاطها
الاهم تاخذ تفريغ وترتاح من التدريس وراتبها ماشي
مع ان من شروط التفريغ انها تكون بكالوريوس بس الواسطه فوق كل شي عندهم
لو يلتفتون لخريجات الدبلوم العالي بالتوجيه والارشاد ويوظفونهم ع طول مرشدات افضل من تفريغ معلمه كلية متوسطه ماتدري وش اساسيات الارشاد ولانظرياته ولا الطرق العلاجيه
انا افكر ارسل للوزير عن هالمشكله واللي تبي ترفع معي خطاب عن نفس الموضوع راح ارسل لها طريقة مراسلة الامير خالد الفيصل مباشرة
|
أنا معك إذن والله يكتب لنا إللي فيه الخير 