السلام عليكم

كيفكم ان شاءالله بخير

غريب العنوان ادري ويمكن اول ماتقرون الموضوع تقولون وش دخل العنوان

انا بقولكم

انا قريت اعلان في البطاله عن مدرسه بشمال الرياض طالبين محضرة مختبر عاد انبسطت مره لاني ابي اشتغل بتخصصي
المهم رحت لهم اليوم السبت وافقو على طول
بس راتبهم 1800
وكلمت سيارة للنقل ب 600 من شرق الرياض للمدرسه اللي بالعليا

طبعا كل هذا سويته وامي وابوي مايبون الوظيفه مو مقتنعين بها
لانهم برايهم انه مايسوى علي المشوره ومدري كيف
يتظرون الوظيفه تجيني جنب البيت
وانا اعرف انهم مايبون هالشي لاني اصغر خواتي وامي خاصة تخاف علي بزياااده
تعبت من خوفها علي
وطول اليوم يحاولون يقنعوني اني ماروح لهم
وحصل اللي في بالهم لانهم طفشوني من كثروا ماحنوا علي

والله انا مقهوره مررره
مابي اجلس بالبيت

وش الحل مع اهلي متى بيفهمون اني كبرت واقدر اعتمد على نفسي
كل خواتي عادي مايسوون معهم نفس الشي
الا انا دايم امي تخاف علي بزياااده مو راضيه تفهم اني كبرت

حاولت افهمهم بس مانفع

اعذروني طولت عليكم
بس والله من الطفش اللي فيني
ابي افضفض

عموما اللي يبي عنوان المدرسه ترا عندهم نقص في بعض التخصصات ومحتاجين بعد محضرة مختبر
رواتبهم 1800 للي ماعندهم خبره ومدري عن اللي عندهم خبره
مالقيت الرابط ولاكنت حطيته دورته ومالقيته في بنت جايبته نسيت اسمها من العضواات جزاها الله خير
بس هذا رقم المدرسه
014622815
مكانهم ب30 العليا ادخلو يمين قبل البنك الاهلي

تقبلو تحياتي