ياذا الأجانب اللي لاعبين فينا لعب....
أنا كنت موظفة في مدارس اهلية كلها اجانب في اجاااانب سوارية على لبنانيين على مصارية ويكرهووووووووووون شي اسمه سعوديه يعاملونها كأنها خدااامه ويوظفةن السعوديات في ادنى المسميات وادنى الشواغر عندهم اسم انه عندنا سعوديات... لدرجة كنت افطر بلحالي اسوي شغلي بلحالي ولو احتاج مساعدة مااطلب لو وش يصير علشان اكتفي شرهم ومع ذلك كانوا يلحقوني حتى وانا في حالي يقولون دايم انتو السعوديات شايفين حالكم ودايم يجون يضايقوني يسالوني كم راتبي ويقولون راتبك قليييل .... ومعاهم حق
طلعت من عندهم كارهه الدنياااا لا راتب زين ولا مسمى يخدم شهادتي
الآن انا موظفة في كلية خاصة وكلها اجانب بعد 
، أقسم بالله ياهم كارفين امي كررررف ولا اقدر اقول شي لسى ماكملت الثلاث شهور فترة التجربه... اي غلطة اسويها قالوا جريمة في حق الكلية ازعجوووني بذا الكلمه
وكل ماسوي شي يهددوني في التقييم انهم راح يفنشوني نهاية الثلاث شهور
والمشكله للحين مادري مين رئيستي المباشره مره يقولون الوكيلة مره يقولون رئيسة الاقسام وحتى رحت سالتهم نفسهم الوكيلة والرئيسة همااا نفسهم مووو عارفيين
والردوووود تجي بدوووون نفس لما اسأل وش مهامي ووش اللي لي وش اللي علي يردون كأنهم يقولون احمدي ربك وظفناك وخلاص..
والله مو مصبرني إلا انها وظيفة نسائية ومسمى يخدم شهادتي.. ولا لو الاقي غيرها طلعت
الحمدلله على كل حال
وشكرااً شكراً لصااحب الموضووع صرااحة الفضفضة تخلي الواحد يرتاح شوووي