من ناحيه الاستضافه
احب اقولك شغله ..
مشروع مثل هذا يحتاج سيرفر كامل مش استضافه .. السيرفر بيكلف من 400 الي 1200 ريال
والافضل تاخذ من شركه اجنبيه .. لان اعتماد الموقع كله بيكون علي قواعد البيانات

وفيه انواع من الاستضافات .. فنصيحه انصحك تبتعد عن شي اسمه استضافه عربيه بشكل عام
وتتجه للاجنبيه , لان اي استضافه بالعالم العربي هي اصلا من الاجانب

فتاخذ من المصدر وسيرفر مع اداره كامله افضل ,,
وبخصوص السكربيت ,, كذلك ما انصحك اخوي ,,
لان الموقع راح يكون للعرض والطلب .. ولا تضيف طرق للدفع وتربطها بالموقع
لانك راح تكون معرض للاختراق ..

شوف مثلا موقع حراج ..
برنامج بسيط معدلين عليه تعديل حلو .. وماشي وضعه

هذي من ناحيه الموقع بشكل عام .. واذا حبيت مساعده انا لي الخبره الكافيه لكن لا اعرف ابرمج

اما من ناحيه الموضوع بشكل عام ..
انا اذكر موقع سوق اول ما بدا كان يسوي اعلانات في كل مكان .. المواقع والاذاعات والشوارع
فيه مثل اجنبي يقول .. لو تصرف دولار علي مشروع .. اصرف ثلاثه علي التسويق ..

ومن ناحيه العائد المادي .. علي ما فهمت منك انك ماراح تستفيد شي لان الخدمه مجانيه ..
مشروع بدون اي عوائد ماديه ما يمشي حاله .. وكل ما قلت ادارتك الشخصيه علي المشروع عموما كل ما صار افضل لك ..

يعني مثلا . .. موقع حراج ,, موقع سوق ,, موقع مستعمل ..
وين تواجد الاداره في هذي المواقع ؟
عندك حراج ومستعمل .. يحذرون من اي تحويلات خارجيه وغير مسؤولين عن اي قضايا ماديه
وعمولتهم ما يسامحونك فيها لو تنطبق الارض علي السماء ..

موقع سوق ؟
يعتبر الافضل لانه مثله مثل ايباي ..
وسيط ,, الشاري يدفع للموقع .. البائع يشحن
والفلوس تكون عندهم لحد ما يسوي تنتهي عمليه الشحن
واذا كان فيه خلاف يكون موقع سوق هو الوسيط والحكم ..

المقصود من كلامي كله ..
انت عندك منافسين .. ثلاث علي راس القائمه والبقيه بعضهم فشل
مثل موقع بيزات وغيرها ..

اذا انت رجال والله تقول بوفر كل شي مجاني .. وبتتكلف من جيبك ..
بقولك المشروع بيطلع لك خساره .. لان الفائده مطلوبه من اي مشروع
حتي لو كان شي بسيط .. واغلب المواقع تاخذ 1% من اي عمليه تجاريه وترجع في ذمه الشاري

واذا تقول لا والله بدفع ولو كلفني مليون .. والعموله ما تهمني .. لان فيه مصادر دخل ثانيه بتكون
مثل الاعلانات بالموقع وغيرها .. بتكون علي راس القائمه .. باذن الله

ادرس الموضوع زين .. ولا تنسي التكاليف ..
ولا تاخذ سكربيت ب 25 الف اذا انت دورك بيكون وسيط
خذ لك واحد مجاني واي مبرمج يطور لك عليه وفيه مبرمجين عرب كثير
واغلبهم من مصر الشقيقه .. وخل ال 20 الف الباقيه مصاريف اعلانات مدفوعه للموقع

واذا انت بتشتري وتبيع بضاعتك .. هذا امر ثاني بعد

واي استفسار انا حاضر واخدمك من عيوني
موفق اخوي واعذرني علي الاطاله