اذا بتبني بلوك بيكلف المتر من غير المواد تقريبا 140 ريال
ومع المواد من 450 الي 500

بس ما اتوقع احد بيتفق معك علي المتر لان المساحه تعتبر صغيره نوعا ما
فراح ياخذون عليك قطوعه

انصحك تبتعد عن المالوف في التصميم الخارجي للمحل .. وجيب افكار جديده بالتصميم
واذا الكشك بيكون شغال 24 ساعه تقريبا ووسط مكان حيوي ونسبه الامان فيه عاليه
ابتعد عن البلوك ..
فيه كشك كوفي علي طريق الملك عبدالله باتجاه الشيخ جابر ..
صاحبه مصممه علي شكل سياره همر h1 اتوقع وله فتره شغال

قبل كل شي لا اوصيك بالموقع وترتيب مسار السيارات واستخدام التقنيه الحديثه لتسجيل الطلبات
يعني الطلبات تتسجل عن طريق ايباد للسيارات الواقفه برا .. وما يوصل الزبون الا طلبه جاهز
بما انك مجنون كوفي
فاتوقع اسم جافا تايم مش غريب عليك ...

اذا نيتك تستاجر محل او ارض وتبني عليه كوفي .. انصحك العقد يكون عشر او خمس سنوات اذا الارض مش ملكك .. لان في اي لحظه ممكن صاحب الارض يقولك مع السلامه وياخذ شغلك كامل ويفتح عليه نفس نشاطك

طبعا اغلب ملاك الاراضي والعقار طماعين الا من رحم ربي

بالتوفيق ...