القطاع الخاص ما في أمان وظيفي أبدا انا صارت لي تجربة فيه 6 سنوات اشتغلت في 4 شركات.

الثلاث الشركات الأولى كلهم طاحوا تحت و الشركة الحالية ما ندري ويش وضعها و ويش راح يصير مستقبلها بعد سنوات.

ما أنصحك بالانتقال للعمل في القطاع الخاص ابدا و ترك العمل الحكومي حتى الشركات القوية الي فيها أمان وظيفي مثل أرامكو سابك سكيكو ..... ارامكو صحيح فيها امان وظيفي و راتب لكن فيها كرف واجد و تنقلات كثيرة.

دوام الحكومة راحة 7 ساعات يوميا و الساعة 3 انت في البيت و اجازة العيدين كل عيد اسبوعين و 30 يوم اجازة في السنة و ايام اضطرارية و امان وظيفي و الراتب ينزل تاريخ 25 و انت مغمض.


دوام الشركات أغلبهم كرف 10 ساعات يوميا ما ترجع الا الليل الساعة 6 أو 7 و اجازة العيدين كل عيد فقط 3 ايام و 21 يوم اجازة في السنة (أغلب الشركات تعطي 21 يوم اجازة في السنة ما عدا الشركات الكبيرة مثل ارامكو سابك سكيكو 30 يوم ...) و ما في امان وظيفي عدا الشركات الكبيرة و الرواتب ملخبطة أغلب الشركات تؤخر الرواتب ما عدا الشركات الكبيرة.