المشاركة الأصلية كتبت بواسطة تغيير 1053

السلام عليكم انا متابع للموضوع هذا من زمان وحبيت افيدكم لان امس فحصت والحمدلله والمنه انقبلت واليوم اختبار اللياقه الساعه 8 ادعولي بالتوفيق
اول شيء لا بكونون الشهاد اخوانك او ابوك لان في ناس كرشوهم للمسرح عشان البيانات ناقصه او غلط فانتبهوا
المهم اول ماتوصل للمركز يدخلونكم وتركبون باص يوديكم للجنه فيه كراسي تجلس لين يجي دورك يطابق اوراقك وبعدها فيه زي المقصف تروح له ويمرر الباركود الي بالورقه بالجهاز وتخلص اهم شيء جب الاحوال مو النسخه !
بعدين تركبون باص يوديكم لسرداب تحت الارض وفيه تفحصون عيادات جنب بعض اهم شيء انتبه ينادون اسمك
الفحص ترا كله سريع سريع وانتبهوا الطول والوزن يدققون مره !
بعدها اخر شيء غرفه اسمها ادخال البيانات لاخلصت يختمون على ورقتك يا المقابله معناتها انك نجحت بالفحص او المسرح معناتها انك فشلت بالفحص
وتروحون للمقابله المقابله اهم شيء تكون رايق ولا تتوتر مره يسالك بالدوله منهو وزير الدفاع ومنهو وزير الخارجيه وتر الي يقابلون 10 ضباط كل ضابط بمكتب لحاله ! يعني انت وياه بس ويسالك عن اليوم الوطني انتبهو وعاصمه كم دولة
وتخلص ويقولك بكره الساعه 8 وانت بكلية الملك عبدالعزيز الحربية بالعيينه
اختبار اللياقه
دعواتكم لي بالتوفيق