السلام عليكم ورحمة الله وبركاته
"بداية القصه"
اسمي خالد شقاره سعودي الجنسيه من مدينة جده
عمري 23 سنة وعملت في شركة الدانوب للتموين والتسويق من يوم 8 شهر 12 سنة 2013.
حتى هذا الوقت, عملت اول شهر وانا والبعيد عن العطلنجيه البطلنجيه #طفران وكنت اتسلف من ذا اسلك وضعي بالمواصلات من ذاك, بعدها اعطوني الراتب مخصوم منوا 10 ايام قالولي تأمين شركة (1), وبعدها رفضت اخذ راتبي, قالولي وفهموني الزملاء الاقدم مني في العمل انوا هذا النظام اتطبق علينا من قبلك بضحكه عاليه "انهم مايقولوا لك الى ان تستلم الراتب وبعدها يحرروا شيك موقع بهذا المبرر من الاداره بمفاجأة. المهم قبلت بالوضع اللي فيه واخذت راتبي وانا اقول لنفسي احسن من انك ترجع الشارع متشرد انتا واخوك الصغير بلا بيت بلا أكل وشرب. ثاني راتب جاني كامل قلت حلو استأجرت بيت وصرت مبسوط من اللي انا فيه والحمد لله. ثالث شهر اشتغلت لهم 16 ساعه لعدم توفر كافي لرجال امن في الشركة قالولي (وقت اضافي) حتستلموا مع راتبك الجاي وجاني الاساسي ناقص, بعد كذا كلمتهم قالولي حجج اني اتاخر في الدوام شويات وانخصم عليك, الشهر الرابع انخصم نصوا, الخامس ما استلمتوا وفصلوني 16 يوم على اساس اتهموني بالسرقه وانا ماسرقت ومستوره بالحلال الحمدلله, السادس ادوني زياده رسميه اساسيه في الراتب, السابع ادوني ناقص 300. الشهر الاخير كان معاهم حق يخصموا نص الراتب بسبب انا عارفوا وعذر واضح وحقيقي, اخويا الصغير والبعيد عنكم جالوا مس من الجن والعياذ بالله وصرت جالس معاه فترة 5 ايام وقالولي راجع الاداره, راجعت الاداره قلت لهم القصه قالولي خلاص لك اجازه يومين تعالج اخوك من حالته, جالس بعدها متحسر اخويا ان قام عليه ابوحرفين يخليه يمسك سكين ويبغى يطعن نفسوا, جا رمضان شهر القران والبركه والغفران, اتاكدت ان اخويا شويه اعتدل حالوا قلت اداوم اليوم وبكرا وبعدوا وانا مشتاق للعمل وعندي طاقه وطنيه لها فتره ما استهلكت بسبب حالة اخويا. لقيت باب ابواب الفرع مقفله واتصل على مشرف الميدان قالي وانا ايش دخلني بأخوك راجع الاداره وصيح عليا وقفل فوجهي. بااضافة انه استغلني لتغطية الفروع عندما يكون الاخرين مرضى لكن اخر مره قالي غطي فرع شارع التحليه قلت له لا أستطيع يا استاذي ليس لدي مواصلات كافيه للذهاب هناك صرخ فوجهي قلي والله لا أوريك مقامك الواطي كويس (رفع صوت + شتيمه) فلت لنفسي خليك اعقل منه وقول الله يهديك ويسامحك. ليش انا قلت استغلني خلاني اغطي فروع الدانوب باوقات اضافيه وللأسف راتبي لايكفي الحاجه الان قلي راجع الاداره العمل معاهم ايش ياجماعة الخير استقيل والا اكمل على نغم هذا الموال.
"نهاية القصه"