اقتباس:
المشاركة الأصلية كتبت بواسطة الملآزم ماجد
أخوي لاهنت متى يبدأ التقديم على المدارس الاهلية لان الوثيقة ماراح استلمها الا بداية شهر 11
هل التقديم قبل الاجازة فيكون فاتنا ولا بعد الاجازة ونلحق عليه ؟
|
اسمحلي اجاوبك 
::
بالنسبة للمدارس الاهلية لا تعطيها اكبر من حجمها
مالها وقت للتقديم والقبول فيها فوري يعني ما يصدقون يلقون واحد
يغطي احتياجهم وخصوصا السعوديين لانهم ملزمين بنسبة سعودة
وما تفرق سواء جيتهم من بداية الترم او ربعه
بعض المدارس تبدا الدراسة وهم وماعندهم مدرسين مثلا الدين
فـ يتوهقون
انا تخصصي اجتماعيات وادرس فقه وتوحيد مع الدراسات الاجتماعية والوطنية اللي هو تخصصي 
::
ابعطيك الطريقة اللي سويتها انا
اول شي خذلك فره على حيكم وجمع ارقام المدارس الاهلية
وبعد العيد مباشرة ابدا اتصل عليهم وقلهم عندكم احتياج للدين
او زورهم بالمدرسة عشان تشوف بيئتهم
واختر المدرسة اللي تعجبك
الاهلية بالجيب 
::
وبالنسبة للوثيقة لا تشيل همها
انا توظفت بالاهلية بداية الفصل الاول قبل لا تطلع وثيقتي
يوم جيت اتوظف قلت لهم الوثيقة للحين ما طلعت ودخلتهم على سجلي الاكاديمي بموقع الجامعة وشافو الدرجة