السلام عليكم و رحمة الله و بركاته
مبارك عليكم الشهر
صار لي فترة أكثر من أسبوع و أنا أفتر في الموضوع
لين ما وصلت لنهايته ،، الصراحة تشكرون على هذا التعاون
اللهم لا حسد
أستفدت واااايد و أنا أقرأ تجاربكم و ملاحظاتكم
و أستفدت و أنا أقرأ كل أبديت في الموضوع
و الصراحة خفت أن لين وصلت لنهاية صفحات الموضوع يكون ماكو تفاعل و خلاص
الكل انشغل عنه
بس أستانست وايد لمة جفت لي ألحين في أحد يساعد 
آنة حابة أبتدي في هذا المشروع بس متخوفة أن ما أنجح فيه
و أن الأغراض اللي بشتريها بتطيح في جبدي ع قولتنا
بس آنة الحمد لله و أعوذ باالله من كلمة آنة
لي في هالمجال ،، من تصميم و رسم
يعني الحمد لله عندي خلفية و طاقة قوية في هالخصوص
و أعرف أني ببدع ،، بس ما أدري ليش متخوفة
****
من خلال قرائتي للموضوع
الناس أغلبها هني
تستخدم و تنصح
* طابعة إبسون L800
* المكابس الحرارية المستقلة و الكل في واحد
آنة هني سؤالي ،،
* آنة من البحرين ،،
إذا آبي أشتري طابعة إبسون ل 800
وين أقدر ألاقيها في البحرين بالدرجة الأولى و يكون سعرها معقول أو
في المناطق الجريبة من البحرين في السعودية و كأن سعرها قلتوا 1250 RS
و ،، بعض الأخوة يقولوا أن لازم أغير نظام الحبر فيها
لسبلميشن على ما أتوقع
و أن أكو في برنامج لازم ننزله عشان نغير نظام الحبر ،،
وين أقدر ألاقي هذا البرنامج
* آنة حابة آشتري الطابعة الـ 3D
لسبب مهم عندي ألا و أهو أن آبي أطبع ع الكفرات للتلفونات من جميع الجهات
و هذا اللي المكابس ما تقدر تحققه ،،
افتريت في اليوتيوب و النت و الانستا و جفت هذا النوع
http://scontent-b.cdninstagram.com/h...9397936f_8.jpg
يقولون أنه حلوو
بس ما أدري وين صناعته
و سمعت منكم أن الأمريكي دائما أفضل من الصيني
في أحد عنده فكره عنه أو يستخدمه ؟؟ يقول لي رايه فيه ؟؟
سعره حوالي 3000 RS يعني 300 BD تقريبا
يسوى آخذه أو في مكينات ثانية أفضل ؟؟ عطوني رايكم
أهم شي تطبع 3D ع الكفرات ؟؟
* هالنوع من الماكينات تطبع ع شنو بالظبط ؟؟
كفرات \ أكواب \ ؟؟ تطبع ع تيشيرتات ؟؟
* آنة آبي أطبع ع كفر نوتات و دفاتر ،،
في ماكينة معينة ولة الـ 3D فيها هالميزة ؟؟
و شلون الطريقة ما عليكم أمر ؟؟
يا ريت إذا أحد يعرف وين تنباع هالأشياء في البحرين ،، بالدرجة الأولى أو في المناطق
في السعودية الجريبة من البحرين ؟؟
* في أخوات يطبعوا ع التي سيرت بالمكواه العادية بس عندهم ورق خاص
و طريقة خاصة لطباعة
يقدرون يراوونا بعض أعمالهم بهالطريقة ؟؟
و شلون طريقة الطباعة بالصور إذا أمكن ؟؟
و هل الشي متعب ولة أوكي ممشين معاه ؟؟
لي عودة أكيييد بعد مجاوبتكم ع تساؤلاتي ،،
حاليا ما أقدر أراسل أحد ع الخاص ،،
إذا أي أحد يبي يفيدني ع الخاص ،، و مشكورين مقدماً ،،
أختكم