المشاركة الأصلية كتبت بواسطة طال المطال

أخوي عاطل شكراً يا وطني ..

من ناحية توظيف جميع المرشحين للمقابلة من سابع المستحيلات !! عدد المرشحين 67 شخص ، مو معقوله يوظفونهم كلهم ، مثل ما قلت ( تصفية ) وبالنسبة للإحتمال من وجهة نظري أنهم يبون بالكثير 6 أشخاص للوظيفة ، موزعين على الكليات التابعة لجامعة الملك سعود ، هذي توقعاتي ولا تعتمد عليها ..

وبالنسبة للتأمينات الإجتماعية ، انتبه تشيله الحين ، اصبر إذا ضمنت الوظيفة بإذن الله وقبلوك نهائي ، تروح للشركه نفسها اللي أنت فيها ويسقطون إسمك من التأمينات وانتهت القضية ..

بعدها يعطونك الجامعة أوراق الترشيح لإكمالها ، ومن ضمنها ( ورقة تعديل مهنة ) وتروح للأحوال المدنيه ، وتغيّر مهنتك إلى موظف حكومي ، طبعاً لو كنت مسجل حالياً بالأحوال ( موظف قطاع خاص ) تروح للشركة أولاً وتاخذ منهم إخلاء طرف ، وتاخذه معك للأحوال على أساس يقبلون يغيرون المهنة لموظف حكومي ..

وفقنا الله وإياكم لما يحبه ويرضاه