السلام عليكم ورحمة الله وبركاته اول شي حسبي الله والنعم الوكيل في موقع الخدمة المدنية الالكتروني مالي غير الله ثم انتم ابي رأيكم ومشورتكم تكفون انا طلع اسمي من دفعة 3993 مرشحة وطلع في منطقة عمل زوجي والحمدلله وكنت الوحيدة في هذي المنطقة المرشحة جاء يوم الاحد ورحت طابقت الاوراق ولما كانت الموظفة تبي تطلع انا مرشحة لأي مرحلة شفت بشاشة الكومبيوتر ان تقديري العام ممتاز وانا اصلا تقديري جيد جدا المهم ماانتبهت لهذا الموضوع وسلمت اوراقي ورحت للبيت لكن لما رجعت ماكنت مرتاحة وخفت استبعد من كثر ماقريت عن استبعاد مرشحات لأتفه الاسباب المهم رحت اليوم ورزيت وجهي بالديوان وكلمت الموظفة قالت ماعندي علم اطلعي لمديرة التوظيف رحت لها وكلمتها قالت هذا خطأك انتي اخترتي نظام جامعة الملك عبدالعزيز القديم واللي يعتبر فيه معدلي 4.24 ممتاز قالت المفروض اخترتي الجديد قلت انا وش عرفني انا لي 3 سنوات متخرجة وعلى بالي اعتبر من النظام القديم قلت لها حرام عليكم طيب تحطون النظام القديم وانتم بالاصل تعتمدون الجديد ليش هالتشتيت ليش مافي تعليمات وارشادات بالموقع لما سجلنا والا بس تبون تطلعون اعداد كبيرةمترشحة وثلاث ارباعهم مستبعدين قالت روحي اسألي مدير الموقع الخدمة الالكتروني موانا قلت والحل قالت اكيد بتطلعين غير مطابقة في الاوراق وبهالحال بنرفع اوراقك للجنة بديوان الرياض وهي اللي بتتولى تصحيح البيانات وانا بالنظام القديم نقاطي 71 والجديد 68 قالت اذا في منطقة ترشيحك وحدة اعلى منك يعني 69 او 70 فإن احتمال تكون لها الوظيفة قلت لها وانا طيب قالت ماعندي علم للحين بس لاتستبقين الاحداث وخلينا الاسبوع الجاي نطابق وبعدها يصير خير قلت يعني راحت علي الوظيفة بغلطة مو مقصودة مو حرام عليكم تزرعون الفرحة بقلبي وبقلب اهلي واخرتها تنزعونها بكل بساطة وتروح لغيري ليتكم مارشحتوني من الاصل وربي اكتب لكم والعبرة غاصتني من القهر تكفون علموني وش اسوي انتظر والا اروح واطالب بالتعديل المشكلة ديوان جدة قمة التخبط يعني لو اصيح من هنا لبكرة مو معطيني وجه ادعوا لي تكفون حسبي الله والنعم الوكيل حسبي الله والنعم الوكيل حسبي الله والنعم الوكيل