اقتباس:
المشاركة الأصلية كتبت بواسطة الصمعاني
ياعيال أبي شوركم علي وكما قال النبي الكريم عليه افضل الصلاة وأتم التسليم (الدين النصيحة ) .. متخرج جديد نسبتي حلوه ماشاء الله طولي زين يعني مواصفات العسكرية فيني ب اذن الله سجلت ب لاستخبارات وكلية الملك خالد < طبعاً ماقبلوني كلها واسطات ) وقدمت ع الجامعه وقبلوني وخلصت كل شيء بس اجي السنه الجديده و ادرس وقدمت ب القوات الجوية وجاني قبول مبدىي شرطه جويه وموعدي ب شهر ١٠ ومحتار ودي بوظيفه وخصوص ان القوات الجويه قريبه لنا وابي شيباني والجامعه بعيده مره ومصاريف وسكن وانتم عارفين وبنفس الوقت ودي بلاستخبارات متلخبط عجزت انسق ب ان اختار الأنسب اخاف اخذ ذي وندم او هاذي والقلق الي عارفينه في ناس قالو لاترد القوات الجويه ادخلها حلوه الجامعه ٤ سنين ماندري تموت ولا تح ياليت تفكرون معي وتنصحوني ساندوني الله يوفقني ًويوفقكم وآسف ع لاطاله  |
اذا تبي نصيحة اخوك ادخل عسكرية وتوكل على الله ..
الجامعه يبي لها طول بال ويبني وبينك ماتصلح لرجال فقران
ونصيحة اذا شايبك مامعه مادة توفر لك سيارة وملتزمات فادخل العسكرية
ترا الجامعه ادراسة 5 سنين و انتظار تعيين 3 سنين على الاقل يعني 8 سنين قدام
وهذا مشروط بمعدلك وبتخصصك يعني اذا جبت معدل قليل راح تجلس 5 سنين مو ثلاث
عندها يكون عمرك 30 سنة وانت لا تزوجت ولا كونت نفسك وبرضو بتكون عاله على ابوك
ياولد العسكرية الحين اقل راتب 7000 ريال .. لو افترضنا انك بتصير مدرس راح يكون راتبك 8000 على اول التعيين تخيل تعب ثمان سنين فرق 1000 ريال فقط وحط في بالك انك في الثمان
سنين ذي لو دخلت العسكرية راح تترقى فيها وتجيك العلاوات وبيزيد راتبك 1500 ريال اقل شيء وبيصير راتبك 8500 ريال يعني اكثر من المدرس بشويات هذا وانا اخوك ان دخلت القاعده الجوية او القوات البرية .. اما ان دخلت الامن العام او الحرس الملكي فبيكون راتبك على اول مربوط اكثر من 7000 الاف بكثير .. نصيحتي لك لا تدخل جامعه ترى الحكومة بلشانه بالعاطلين الجامعيين مشكلتهم كل سنة بزديات لان كل سنة يتخرج اولوف الجامعيين .. وانصحك بالتريث لا تدخل القاعدة الجوية اذا انت نسبتك زينه وطولك على حدود 175 او اطول فانت مخير ولست مسير بعد العيد بتفتح تقاديم على جميع تخصصات الامن العام من مباحث وقوات الطوارى والدفاع المدني والى اخره وفي تقديم مفتوح الحين على الحرس الملكي .. واتمنى لك التوفيق