السلام عليكم اليوم رحت للمقابلة .. وكان موعدي الساعه 12 لكن داهمتهم الساعه 11 الا ثلث المهم دخلت وخذيت ورقة المسوغات من عندهم وعبيتها وانتظرت دوري .. كنت عند مجموعة رقم 1 كنت مرتبك جداً جداً جداً .. القاعة باااارده وانا ودي افصخ ملابسي من الحراره والعرق بجسمي من الخوف قابلوني رجالين شباب محترمين جداً جداً وحبايب جزاهم الله خير .. من اسلوبهم ارتحت شوي وأنطلق لساني المهم سألني عن تخصصي ووش الافكار اللي براسي وناوي اطبقها ووش الاساليب اللي بتستخدمها وهل انت متابع للقضايا العالمية والمحلية او لا وزي كذا جاوبته الحمدلله عن كل سؤال وبعدها قال ودي اوراقك للجنة المطابقة .. وديتها هناك وقابلت رجل محترم وخلوق طلب مني الأوراق المطلوبه وعطاني ورقة الفحص الطبي خلصت منهم ولله الحمد وقبل شوي دخلت تكامل والقى اني مجتاز المقابلة ولله الحمد موفقين جميعاً