المشاركة الأصلية كتبت بواسطة مارشميلو

هالحساب لاختي بس قلت لازم اشارك ..اذا ربي كاتب لكم رزق محد راح يقدر ياخذه منكم انا قدمت على جامعه جازان ودقو على اجي اختبر وفاتن الاختبار والمقابله لان مالقيت حجز لان الرحله ترانزيت من الشمال للجنوب نسيت السالفه بعد ثلاث اسابيع رجعو دقو علي قالو لي حددنا لك موعد جديد اختبار ومقابله بنفس اليوم ماصدقت السالفه انا معقوله من متى صارو يعطون فرص جديده بالمقابلات وتزامن مع جامعه جازان موعد تقديم على جامعتي قلت خل اروح لجامعه جازان واجس النبض واعرف طريقه الاختبارات والمقابلات الوظيفيه ورحت وانا النيه مو اني اتوظف بجازان بس عشان اذا دقو على الجامعه الي في منطقتي اكون مستعده وعندي خلفيه عن المقابلات ورحت لجازان وعملت الاختبار طبعا الاختبار صعب موت اصلا طريقه الاسئله والصياغه غريبه علي ماحليت زين وبعد الاختبار عملو لي مقابله طبعا المقابله استغرقت خمس طعش دقيقه. اهم شي بالمقابله الثقه والثقه والثقه بالنفس والابتسامه ممكن قبولني بس عشان الثقه لاني كنت اجاوب وهم يسئولني اسئله بعد ماطلعت من المقابله اكتشفت انها خطاء المهم بعد شهر تقريبا ارسلو لي رساله بصراحه مافرحت بها ولاجت على بالي طلبو اني ابتعث انصدمت مافرحت كان نفسي اعمل عشان يطلع لي رقم وظيفي واحاول انقل المهم ماكنت مقتنعه بالبعثه كان ودي اكمل دراستي بااداخل اسهل لي بالعربي. . المهم مارديت لهم قلت اكيد اذا مارديت لهم راح يعرفون اني خلاص مابي الوظيفه ويعطونها وحده غيري تبي البعثه بعد شهرين كذا قال لي خالي ردي لهم واعتذري لهم وقعدنا مده وحنا ندرو على رقم عشان ندق عليهم ونعتذر بعد مالقينا لهم رقم دقت امي على موظف تعتذر قال هاذي بعثه من يرفض البعثه تروح وتكمل دراستها وتاخذ الدكتوراه الله يجزاه خير اقتنعت امي بكلامه واقتنعت انا بعد لان اصلا قسمي لو بكمل دكتوراه داخليا مهو موجود بالسعوديه والحين الحمدلله بديت اجهز اوراق السفاره ادعو لي انها تسهل ووبس
بالنسبه للعيال اول شي يخدمون بالجامعه ثم يدرسون برا اما البنات ع طول يطلعون برا لان يبون يكتشفون البنت الي قادره تطلع برا من الي موقادره ماتطلع ودول الابتعاث الي يطلعون لها معيدين جامعه جازان امريكا وكندا فقط وطبعا وانتم تدرسون برا يمشون لكم الراتب بدون بدالات بالاضافه الئ مكافاءه المبتعث ويحسبون لكم سنوات الخدمه وانتو تدرسون وبالنسبه لقسمي انا تربيه خاصه واي سؤال انا حاضره