السلام عليكم ورحمة الله
أبيات أعجبتني ما أعرف كاتبها
يا صاحبي الدنيا حكايات وعلوم *** قصص عجيبة تذهل الي قراها
الدنيا لو تضحك معك دايم الدوم***خلك فطين ولا يهمك رضاها
كم واحد تبني له آمال وحلوم***يفنى وغيره يهتني في بناها
ياما أفرحت قوم واحزنت قوم***وكم اعشقت عين وخانت غلاها
اليوم لا منه بغت عيني النوم ***تنكدت روحي وعافت كراها
ما كل من علا بالأصوات مفهوم***وما كل روح تلتقي في مناها
وما كل يشكي معذب ومحروم***وما كل من يضحك همومه نساها
بحر الحياة إن صرت ما تعرف العوم***يرميك في غبة بعيد مداها
من راح يستسلم من احزان وهموم***يموت حي وحاجته ماقضاها
واجه هبوب الوقت بايمان وعزوم***لابد ماربك يهدي هواها
واصبر اذا شمسك حجب نورهاغيوم***الغيم بيفرق وتشرق سناها