[align=center]
السلام عليكم ورحمة الله

شباب اللي قدم على الانترنت وعطوه رقم طلب وينتظر رد منهم..
انا اقوله تبطي عظم على مايردون لك انا قدمت وعطوني رقم طلب وانتظرت شهر..
وماجاني شيء منهم ورحتلهم لرياض إدارة التجنيد مبنى 21 خلف وزارة الحرس الوطني بحي الربوة
وقدمت ملفي والحمدلله خلصت كل شي من اوراق وكشف طبي والحين انتظر الدورة ..
وإلى الان ماجاني رد منهم يوم قدمت من الانترنت ..

فاقولها نصيحه مني للي قدمو روحو لهم إدارة التجنيد مبنى 21 خلف وزارة الحرس الوطني بحي الربوه التقديم مفتوح للملفات يستقبلونكم للي هم الجامعيين والي معهم تقنية .. خلصو اجراءاتكم وشوفو رزقكم

وبالنسبة للدوراة الحالية على كلام واحد ان في دورة بشهر 11 لـ لواء الملك عبدالله في الاحساء ( الجديد )
وبعد فيه بلواء الملك عبدالعزيز اتوقع رااح تنعقد بنفس الشهر
وللي تعيينهم في الرياض على كلامه راح يتواصلون معهم وتجيهم اتصالات بعد العيد .. الكلام منقول والله اعلم

وللي يسأل انا ماخلصت اوراقي وكيف راح تصير دوره وانا ماخلصت .. انت بإذن الله إذ خلص اوراقك راح يحطونك في اقرب دورة في المكان اللي يعينونك فيه ..

ملاحظة : اللي معه بكالريوس يعطونه رقيب .. والتقنية وكيل رقيب او عريف على حسب الشواغر

اهم شيء عند تسليم الاوراق خذ معك كل شي لانها باذن الله تفيدك مثل خبره .. سيره وسلوك .. دورة حاسب .. رخصة عمومي .. اي شي

واسف على الاطالة واسئل الله العظيم ان يوفقني وياكم .. [glint]لاتنسوني من دعائكم[/glint][/align]