بختصر لكم الموضوع لان ماعندي وقت بنطرد فاي لحظه
من لم جيت عدنيا وامي ماتبغاني لان كانت تبغى ولد وكانت تعذبني اشد عذاب من كي وضرب
وتحرش ابوي علي مرضت نفسيا وجاني مرض مزمن ربو وحساسيه المهم جلست عشرين سنه وانا اتعذب منهم
لمن اخذت الثانوي رفض ابوي اني اكمل الجامعه ترجيته جلت 5سنوات فالبيت كل يوم ابكي واتعذب ابغى ادرس
بعدها انخطبت لاول واحد يدق بابنا وقبلت فيه على طول وقلت الحمدلله فرجت ان شاءالله اكمل الدراسه تنازلت عن كل شيء حتى مهري كان قليل مره وزواج اي كلام
لمن جانا كان شكله مريض وكنت بين خيارين جهنم الناس الي اسمهم اهلي او الزواج والجامعه واخترت الثاني لان الاول عذاب قليله هالكلمه فيه ربي اعلم كيف عشت
المهم لمن تزوجته اكتشفته انه مدمن مخدرات وحملت بسرعه بعد 3شهور رحت عند اهلي رفض ابوي يستقبلني
ورجعت له ولي الان 5سنوات منعني من موانع الحمل وجبت الثاني والثالث تخرجت من الجامعه بس مافرحت معدلي كان قليل من المشاكل الي عشتها معه وتورطت ورطه كبيره بهالزواج
عايشه عنده جسد بدون روح بس اكرف له ولعيالي ولا يثمر فيه ابد تحملت ديون عشان اصرف على عيالي ماعندي مصدر رزق كنا فالضمان الاجتماعي وطلعونا منه لانه فالتامينات وراتبه كان 1500 بوصار 3000بس قتلنا الفقر هو غير مبالي ياكل عند اصحابه عند اهله مو مشكله عنده لاكن انا وعيالي ماعليه منا اكلنا ولاشربنا مو مهم عنده دورت وظيفه ماحصلت عندي بكلوريوس اداره وتعبت من قبل ما اخذ الجامعه وانا ادور مافي فايده
الحين زادت المشاكل بيني وبين زوجي يضرب فيني يهيني يطرد فيني وانا ماسكه البيت لان ماعندي مكان اروحه
اهاني بذل كل كلمه والثاني قلي اطلعي برى الرجال يطرد فيني الادمان اخذ عقله طلعت هالمره ورحت عند اهلي قعدت يومين ابوي مستغرب اشبي مطوله وقبل شوي جاني
قالي ليش انتي هنا وعلمته قال اطلعي برى دوريلك مكان ماني مجبور فيكم بعد المغرب لا اشوفك هنا ابوي قاسي القلب قبل كذا طردني وانا بنت فالشارع حتى بدون عبايه بس اخوي غطاني ورجعني واخوي هذا مريض نفسي من الي كان يسويه فيه ابوي وهو صغير وعايش فالشرقيه
على فكره ابوي مرتاح ماديا وعنده 3بيوت لكن السعه سعه القلوب مو المكان
المقدمه كله عشان تعرفون سبب مصيبتي
الحين انا وين اروح اذا سحبني ورماني الشارع
فكرت اروح مكه بس اخاف الافارقه يسرقون احد من عيالي او يضيع فهالزحمه تعبت من التفكير عندي 3 اكبرهم 4سنوات
الله يخليكم اعطوني حلول او قولولي على مكان اقدر اروحه