حياك الله
بالنسبة لجرابات الجوال والأجهزة اللوحية بحكم أنها تخصصي فجب معك ورقة وقلم وسجل معي

اولا الاسعار تختلف على حسب درجة الجودة في السوق ثلاث درجات

الاصلي درجة اولى ويباع عند جرير وبعض التجار وطبعا في المحلات ارخص من جرير بس اغلب

الناس تروح لجرير عشان تضمن انه اصلي

وهذا سعره بين 120-170 على حسب الموديل والشركة المصنعة (سعر المفرد موب الجملة)


الدرجة الثانية شبيه الاصلي هذا سعره في المحلات بين (70-130) للمفرد جملته حول 40-90


(ملاحظة سعر الجملة يفرق على حسب الكمية تاخذ 100 حبة غير 1000 في عرف السوق


الدرجة الثالثة بين (30-40) وجملته هنا 23-30 وتاخذه من الصين 7-13 من دون مصاريف الشحن والتخليص وغيرها


لازم تروح لسوق الجملة (مجمع اتصالات المرسلات) في الرياض إذا انت في الرياض وتجلس تدرسه

اسبوع كامل وتلف جرير وكل مجمعات الاتصالات عشان تسعر المفرد والجملة وتشوف الاشكال

والموديلات ووشو الي راكد ووشو الي ماشي وعليه طلب


اذا انت في مدينة ثانية اسأل كل مدينة لها مجمع جملة للأكسسوارات حقت الجوالات


إذا رحت هناك راح تنصدم بأن اغلب الي في السوق موديلاته متوسطة وبعضها قبيحة وقديمة الزين


والمميز والجديد في الصين وربعك يجيبون الشين والقديم عشان يزيد هامش الربح


(ملاحظة تصريف الجديد والمميز مايطول السحب عليه كبير)


الله يوفقك إن شاء الله