انا كنت في البنك الاهلي وبعدين رحت سامبا

البنوك باختصر شديد بقولكم على نقاط تهمهم اكثر من دراستك او مستواك التعليمي :

1- الشكل الخارجي والكشخه : يعني وقت المقابلة ألبس احسن ثوب ويفضل يكون كبك يلمع وفصوص وساعه كبيره واضحه وتكون محلق وريحة العطر تفوح منك هذي الاشياء عليها نقاط كثيره بالمفاضله

2- الثقه بالنفس يعني هو بيقولك تكلم عن نفسك ؟؟ هو ماهو قصده من السؤال يتعرف عليك ويعرف وين ساكن ولا كم عدد اخوانك !! وش عليه منك .. المقصد يبي يشوف اسلوبك وكيف تعبر عن نفسك وكيف مخارج الحروف عندك

3- اللغه الانقليزيه لابد يكون مستواك متوسط لان مهمه بالمقابلات

4 الدعاء وطلب التوفيق من الله

5-غالبا التوظيف يكون في شي انت مادرسته مثلا قالوا لي ماعليك من دراستك بالجامعه احنا نعطيك دورات عن الشغل اللي نبيك تشتغله طبعا اتكلم بالاداره التوظيف مو بالفرع وحتى موظفين الفروع اصلا لهم دورات قبل ما يستلمون الشغل

اذكر بنك سامبا رحت للمقابله كاشخ مره كأني بتزوج ههههههه ومعي شنطه سودا كشخه حقت ابوي حطيت فيها الاب توب هههههههه وكنت انا الوحيد اللي جايب شنطه من الشباب اللي بيتقدمون على الوظيفه ولما دخلت الغرفه حصلت 3 اشخاص ..

اول شي سلم عليهم ولا تجلس لين يقولون لك تفضل اجلس

لا تحط اغراضك الشخصيه على طاولتهم لان فيه شي من التعدي على ممتلكاتهم

اجلس عادي مو تحط رجل فوق رجل ولا مادري كيف

جوالك صااااااااااااااااااااااااااااااااااااامت

قالي السؤال المعتاد تكلم عن نفسك؟؟ وتكلمت لين قال خلاص يكفي ههههههههه

بعدين سألني كم سؤال في تخصصي اسأله سهله

ويسألك ليش جيت عندنا بالذات؟؟

ويسألك ليش ما توظفت حكومي؟؟

عاد كل واحد يجاوب بأسلوبه والله يوفقكم