اقتباس: المشاركة الأصلية كتبت بواسطة مازن المطيري حيهم بجاوبك عن اخوي خنبله انا ضمن الطلبه فالدورة واتكلم لك بالنسبه عن كتيبة عمر بن الخطاب رضي الله عنه ثلاث حجات انت تقدر تعارض فيها القادات او الظباط او المدربين ( دينك وعرضك ومالك ) وغير كذا ماتدافع عنها .. الدورة تتكون من 20 الف وضعيه تجي للطالب الي هي يوم نفسيه ويوم معنويتك عاليه ويوم ركود ويوم تقرر تبي تستقيل ويوم تبي تتهاوش مع المدرب ويوم ماتداني خويك الي معك بالحظيره ويوم تبي تتزوج وانت متجازي ويوم تبي تصير مدرب بعد التخرج ويوم تبي تاخذ الصاعقه وغير باقي الايام تبي تمر عليك وتشوف بنفسك بالنسبه للدريبات على حسب نفسيتك ونفسيت فصيلك الي انت فيه اذا خوياك فله تبي تفلها وتستانس اما اذا كانو اغلبهم نفسيات الله يعينك بقولك شي وحطه في بالك لآتاخذ كلام اي واحد متخرج من دورة الأمن العام لئنك تبي تشوف غير الي قالوه لك تبي تقولي ليه وش يفرق برد عليك وبقولك الدورة كرف ونفسيه وملعنه وبنفس الوقت حلوه وتصادف انواع المقالب والحركات الي توسع صدرك .. والشي الثاني اذا ربي وفقك ودخلت الدورة ياخي تخيل محكوم عليك بالسجن سنه لآتفكر بالي بره نهائي نصيحه لوجه الله لئنك لو فكرت والله تبي تنفس وتقرر بالاستقاله خذ الدورة انها فتره وتعدي وتصير مثل باقي العسكر بس والله فله ووناسه وتجيك شويت نفسيه بس الححمد الله نستغلها بالاستغفر والتسبيح وقرائات الاذكار والله يفرجها .. واخر شي بقولك ثاني مره لاتفكر بالي برا المعهد نهائي نهائي نهائي .. وربي يوفقك وويوفقك جميع وحوش قوات الامن الخاصه ولا انسى نفسي والشكاير الي معي ان الله يوفقنا ويسهل امورنا وعقب الفرحه بالتخرج .. كلمة سببت للجميع النفسيه وتقلب على خويك لاقال لك المدرب والله لاخذ حقها مشاركه قديمه من احد المتخرجين