انا بتكلم لك عن مشروع قائم عليه الان ..

الحمدلله المشروع ناجح .. افضل طريقه انك تطلع ربحك وكل شي هي التعامل معها شهري

بقولك كيف ..

اول شي المعدات .. ماتحسب من ضمن التكلفه .. لانها ون باي او ون شت .. يعني انت تدفع قيمتها وخلاص .. تبداء تحسب نسبة الهلاك للمعدات وهي 10-20% .. بس ماتهمك يعني دامك شاريها خلاص انساها

اما اذا كنت مستأجرها ف يفرق .. وبوضحها ب الحسبه الي تحت

ايجار المحل =60 الاف بالسنه =5000 بالشهر
خلنا نقول انك مستأجر المعدات ب 84 الف بالسنه .. يعني بالشهر =7000
وعندك 5 عمال وراتب كل واحد 1500+ مدير مخبز 2500 = 10000 الاف بالشهر
طبعا على حسب نوع المشروع هل يحتاج تحسب الدخل يومي او شهري بالنسبه لمشروع الي قائم عليه شهري
المورد شهريا ينزل مقادير الكعك ب 6000
الكهرب والمويه والتليفون =2000

وانت تبيع في اليوم 10 حبات كعك .. يعني بالشهر 300 كعك تبيع

لم تجمع الاشياء الي تحتاج تدفع عليها شهريا .. يطلع مجموعها 30000 .. فتقسمها على عدد بيع السلعه بالشهر ..
يطلع لك .. تلكفة السلعه 100 ريال .. طيب انت تبغها باليومي .. قسم ال 30 الف على (ناتج الضرب30 يوم في عدد بيع السلعه باليوم ) يطلع لك التكلفه باليوم ..

اما بخصوص كيف تطلع نسبة الارباح ونسبة الاحتياط ف انا اختلف عن كثير من الاشخاص لان مشروعي السلعه الي فيه غاليه .. فاقسمها على النحو التالي

صافي الارباح .. مثلا اجمالي مبيعاتي في الشهر من الكعك 60000 .. فصافي الربح يكون 30000 اقسمه
20% ارباح .. يطلع 6000
60% تضح للمشروع يطلع 18000 يعني بالسنه 216 الف .. تفتح فيها مشروع ثاني .. او تشتري مكاين جديده او حتى تدخل سلع ثانيه ..
20% احتياط .. يطلع 6000

وطبعا هذي النسبه مرنه على حسب مشروعك وعلى حسب نظرتك

انت شخص تبي تتوسع وتبي مشروعك ينتشر ويكبر حط زي نسبتي او ممكن تخليه

30% ربح
50% للمشروع
20% احتياط ..

اما انت شخص تبي مشروع يصرف عليك وخلاص راضي بالي انت فيه ولا تبي تطور وكذا ف .. اعكس النسب وحط النسبه الاكبر للربح .. وخلاص ..

واخيرا هي تعتمد على مشروعك اولا واخيرا .. وان شالله اني افدتك .. واي سؤال انا حاظر