اقتباس:
المشاركة الأصلية كتبت بواسطة ممتاز على الحافة
والله مشكلة طيب فرضاً كان توجيهي بمنطقة تبعد عن ادارة التعليم بمسافة كبيره وش الحل ؟
ينفع ارسله لهم فاكس ؟
بكل تأكيد مايمديني اوصّل لهم خطاب المباشره في نفس اليوم 
|
الامور سهله , راح تعرف المنطقه الموجه لها قبل المباشرة بوقت كافي اهم شي تكون بنفس المنطقة مثلا نقول تبوك ونزل توجيهك ضباء راح تكون في ضباء قبل المباشرة بيوم او يومين ( تشوف لك سكن مناسب وتستكشف الديرة 
) ويوم المباشرة الصباح الي هو عودة المعلمين ( الله يعين على ذاك اليوم نروح نوقع ونمشي ويسمى الاسبوع الميت ! )
تكون على النت تدخل تكامل او تشيك على رابط الرسالة الي تجيك من ادارة التعليم التابع لها وخذ معك فلاش ميمري او طابعه واطبع خطاب التوجيه وتوجه لمدير مدرستك الجديدة يوقعه اول يوم وبعدها ترجعه للادارة ! وغالبا المدير يتفهم بيقول لااشوفك الامع عودة الطلاب عاد تراجع ادارة التعليم وتخلص شغلك من تسليم المباشرة وتعديل المهنه ..
أسأل الله لكم التوفيق