[align=center]
اقتباس:
المشاركة الأصلية كتبت بواسطة جروح الامس
والله انا ودي اشتغل اروح واجيب لكن حاليا مافيه راس مال
هل فيه طريقه اتعامل مع شركه او ناس اروح اشتري لهم من هناك وارتبها لهم وارسلها وهل فيه فايده لي او لازم انا املك راس مااال واشتغل لنفسي
|
حياك الله وبياك
سؤال جميل وهادف ومختصر
شف وانا اخوك اغلب التجار وهذا الصحيح يروح يجيب بضاعته بنفسه ويشوف كل جديد ونسبة قليلة
منهم يروح في المرات الاولى بعدين يتعامل مع كذا مصنع ويسوي كل الشغل له المكتب من تشييك
وشحن وكل شي
انت قدامك حل واحد وهذي نصيحة لك ولكل الاخوان والاخوات الكرام وجتني كذا رسالة ماعندي
راس مال او راس مالي بسيط كيف ابدا انا اعلمك وش تسوي خطوة خطوة
1- تروح سلمك الله لسوق دوت كوم وموقع مستعمل وحراج واسواق سيتي والانستقرام وتويتر
وبعض المنتديات المشهورة وتدخل قسم البيع والشراء وتشوف اكثر المواضيع ردود وزيارة ( ردود
حقيقة مو رفع) حلو الكلام
وتشوف البضائع الي عليها طلب كبير .........و...............و...................و.... .......
تسوي لك معرفات في كل هذا المواقع وفي الانستقرام وتويتر
2- تروح لمكتب البريد السعودي وارامكس وفيديكس وتتعرف على اوزان الشحن والاسعار وخاصة
البريد السعودي (شغلك محلي بص بيصير دولي لو مشت معك صدقني)
3- تشتري جملة من هنا محليا نفس الاصناف الي تنباع الين تكون قاعدة عملاء وتبني ثقة وتعرف
السوق وتتمرمط على وجهك صح وتصقل خبرتك.
3- بعدها تشتغل خليجيا وعالميا وتدخل على موقع علي بابا اكسبريس (هذا للقطاعي مفرد يعني) وتجيب نفس السلعة الي عليها طلب كعينات واذا جتك جب كم حبة.
4- تعرف على مكتب ثقة في الصين ومايخرش المية ارسله نفس العينة وقله الله لا يهينك شف المصنع الفلاني جب لي 1000 حبة من الغرض ذا .( حاول ممكن مايوافقون للكميات البسيطة)
المصانع تتعرف عليها عن طريق موقع علي بابا ( الجملة)
واخيرا انا علمتك الطريق والدليل مابين السطور اتركه لك وللتجارب
بس انتبه من موقع علي بابا وعلي بابا اكبريس فيها نصب كبير اشتر بنظام (escrow payment)
اقرا عنه وهو نظام الدفع بعد الاستلام
واشتر بنظام باي بال لانه في بعض المواقع ما يشم الشاري ريحة الفلوس الا بعد استلام البضاعة
وتكأيدها من خلالك ( يعطيك علي بابا اكبريس 40-60 يوم قابل للتمديد
المواقع الكبيرة والمحترمة مثل امازون واي باي لو ترفع قضية ( ضغطة زر) على البايع راح في
خرايطها يمكن يعطيك هدية 10 الاف دولار عشان تشيل الملاحظة حقتك ويجي للسعودية يحب
راسك ( بس خاف ربك وخلك منصف قبل ولا تستخدمها استخدام سيئ)
لانك تضرب سمعته في الموقع وممكن يسحب متجره
وعندي يا اخوان مشروعين الكترونية (مواقع) قائمة من زمان على الانترنت اي سؤال يخص المواقع والاستضافة والتسويق يأشر بس
دمتم بود واسلموا لمحبكم [/align]