انا مو معلمه وعندي حسابين في الراجحي والانماء
صراحه وبدون مبالغه مافي زي الراجحي قولت ابغى اشرد منهم ومن زحمتهم واروح الانماء وندمانه اني تركت الراجحي

الانماء تعامل الموظفات مافيه احترافيه زي الراجحي يغلطو ولا عندهم معلومات كافيه عن خدمات البنك
وفي اشياء كثير يوفرها الراجحي ماتتوفر في الانماء

اول شي فيزا التسوق اللي رسومها ميه ريال في السنه متوفره في الراجحي وحسب مادورت في الانترنت الانماء ماعندهم هاذي الفيزا وهاذي تقدر تستخدمها حتى في السفر
لكن يقولو بطاقه الانماء حقت الصراف تعمل كفيزا لكن لها حد معين لليوم وسالت الموظفه وقالت ماتدري كم الحد للاستخدام اليومي و انا ماجربتها في السفر برا والله اعلم

شحن الجوال عن طرق مباشر الراجحي متوفر اما في اون لاين الانماء غير متوفر وهذا الشي جدا مزعج

اجهزه الراجحي للايداع متوفره في اكثر من حي اما اجهزه الانماء للايداع تكون اللي في فرعهم فقط ومالهم غير فرع واحد في منطقتي

فروع الراجحي متوفره في كل مكان حتى في الاسواق نلاقيهم

وبالنسبه لرسائل السحب من الرصيد والاشعارات الاخرى في الانماء للاسف تجي متاخره مره
احيانا بعد ربع ساعه تجيني واحيانا بعد نص ساعه عكس الراجحي اول ماسحب ولا استخدمها في نقاط بيع تجيني

وعندي محفظه في الراجحي فتحتها من غير لا اروح البنك عن طريق الانترنت
اما في الانماء لازم من عندهم وبعد الحوسه اللي سوها معايا وماعطوني رقم المحفظه وقالو اتصلي على الرقم الموحد
واتصل على الرقم الموحد واعطوني رقم محفظه ورقم هويه خطا ومني قادره ادخل على محفظتي عندهم

رقم الحساب ورقم الايبان في مصرف الراجحي كل مين موضح على حده في بطاقه الراجحي

اما في بطاقه الانماء بس رقم ايبان طويل وتحذف منه الارقام الاولى مادري كم رقم ويطلع لك رقم الحساب يعني مو موضح كل رقم على حده زي الراجحي

يتجمد الحساب في الراجحي اذا ما استخدم لمده 6 اشهر
اما في الانماء اذا ما استخدم 3 اشهر فقط

لكن في اشياء تقهر في الراجحي اللي هوا كشف الحساب برسوم مادري اذا في الانماء مجاني ولا لا
واصدار بطاقه وتجديدها في الراجحي برسوم اما في الانماء كان اصدار البطاقه مجاني وتجديدها ماعرف مجاني ولا لا


طبعا بالاشاده باخلاق وتعامل موظفات الراجحي السيئ جدا من موظفات الى مديره ماعدا في فرع واحد لاحظت تعامل المديره خلوق جدا واثر هذا على الموظفات بالتاكيد
تعامل الانماء افضل منهم من ناحيه الاخلاق لكن فيهم النفخ على الناس اللي جاين يفتحو حسابات لحافز وعلى كبار السن من غير الاخطاء الفادحه اللي يرتكبوها

الهاتف المصرفي في الراجحي مايردو بسرعه وحتى هما اخلاقهم ماش ولا اطلع منهم بفايده
عكس مصرف الانماء الرقم الموحد

عموله التحويل في من بنك الانماء الى بنك اخر عن طريق الاون لاين 7 ريال واقل من عموله الراجحي لتحويل من حساب مصرفهم لمصرف اخر