اقتباس:
المشاركة الأصلية كتبت بواسطة حاسوبية متميزة
[align=center]السلام عليكم وعيد سعيد على الجميع
انا كنت حسجل اختبار كفايات معلمات وبعدين اجلت الاختبار لانو كان في اعلان انو شهر 7 او 9 قلت يعني قبل الوظائف وللاسف الحساب الكفايات بتويتر طلع كلامها مو صح والى الان ما اتحدد اختبار كفايات وانا يا جماعه نفسي اتوظف اضمن مستقبلي ويكون عندي دخل رزق وخصوصا اني احب البنات لمن جربت التربوي عرفت اتعامل معاهم حبوني وحبيتهم ولقيت متعه بالتدريس وانا مخلصه بالعمل بشهاده الجميع والله فيني ضيقه شديده بسبب انو ما راح اقدم على جداره لانو ما عندي كفايات واما اقدر اجلس بالبيت انا وحيده الكل متزوج وموظف وعايش حياتو الى انا لا زواج ولا وظيفه ولا شيء عندي هم ثقيييل والله محد لاحد ايش اعمل اقدم وظيفه اداريه وخلاص ولا ايش انتظر السنه الجايه معليش افضفض لكم ممكن ارتاح شوي تعبت من الهم وخصوصا معدلي جيد بسبب حالتي النفسيه ومشاكل الجامعه والبيت والحمدلله افتكيت من الجامعه وانا في فراغ كبيرررر ودا الشيء يخليني اتفرج مسلسلات وبرامج من الطفش نفسي اتعلم واجتهد بس مو قادره عقلي ما يستوعب بسبب مرت علي مشاكل كتيره فقدت عقلي تقريبا فحابه اتوظف معلمه وبس وارتاح واغير جو مع البنات والتدريس واجيبلهم هدايا واصاحبهم واتكلم بدل الوحده اللي انا فيها تعب بجد انصحوني ايش اعمل اقدم اداريه واذا قدمت اقدر احول معلمه افيديوني الله يجزاكم خييير[/align]
|
ياحياتي هونيها وتهون
تخصص الحاسب مستقبله حلو وان شاء الله ع السنة الجاية يدخل للابتدائي
وكمان انتي تربويه يعني تقدمي ع تعليمي
اختبري كفايات واطلعي ع نماذج من الان استعدي له من بدري وبإذن الله تجيبي فيه درجة حلوة يعوضك عن المعدل
ولاتشيلي هم ان معدلك جيد لان نقاط المفاضلة بحسبتهم الجديده عليه فقط 40 بالميه يساوي كمان كفايات 40 بالميه
عشان كذا اقولك عوضي اللي فاتك بقياس
واعرف كثير تعينوا وهم تقديرهم جيد
الله يوفقك ويرزقك الرزق الحلال ويحقق احلامك 