والله ياحظك ويابختك ان طلع لك تعيين في الأحساء
اه على الأحساء وجمال الأحساء
بالنسبة للمناخ فجو الأحساء حار في الصيف وجافة لكن طبيعتها جميلة لو مشيتي بطريق القرى مارح تشوفين إلا الخضرة حولك كلها مزارع ومنتجعات واستراحات
اه ياقلبي لو فيه وظايف لتخصصي فيها.
بس اغلب ظني ان بالبداية راح يكون تعيينك في احدى هجر الأحساء وهي غالباً بعيدة
اما لو حصل وصدف ان تعينتي في قرية او هجرة قريبة من مركز البلد راح ترتاحين كثير
ومثل ماقالوا الي قبلي الأحساء كل شي فيها ولله الحمد ومن أطيب أطيب شعوب المملكة سكانها مسالمين يبعدون عن المشاكل ومتعايشين مع بعض في محبة وتعاون

من ناحية الأسواق فيها الأسواق والمجمعات والمنتزهات والاستراحات والمنتجعات وفيها مستشفيات ومراكز صحية وكل شي, هي واقعاً من كبرى مدن الشرقية واقعاً في المساحة هي أكبر حتى من مساحة الدمام او الخبر او الظهران
فيها مدينتين رئيسيتين يعتبرون مركز الأحساء: الهفوف والمبرز
الطالبات شاطرات ومحترمات نفس الشيء بالنسبة للمعلمات وطاقم التدريس, بالنسبة للإدارة بصراحة ماكان لي تجربة كبيرة بهالناحية فما اعرف لكن ما اظن بيكونون أقل طيبة من المعلمات

إن شاء الله لو ربي كتب لك تعيين فيها ان يكون مكانك في احدى مدن الأحساء الكبيرة أو القرى القريبة منها لسهولة روحتك وجيتك من وإلى المدرسة

وبالتوفيق..