اقتباس:
المشاركة الأصلية كتبت بواسطة مدور الوظيفة
السلام عليكم ورحمة الله وبركاتة
اول شي احيي الطلبة الجدد في مركز الايواء
ثاني شي هناك عدة اشياء لو تفعلها اثناء ايام الاستجداد 45 رااح ترتااح وتنساها وتمر كانها يومين او اسبوع بالكثير هي:
الصلاة.
الانظباط الانظباط الانظباط ويندرج تحته عدة امور رااح تعرفها من اول يوم بالمركز .
الاحترام سواء مع المدربين سعوديين او باكستانيين او بين زملائك الطلبة .وتيقن ان التربية من المدربين رااح تكون ابوية اخوية عسكرية(بمعنى ما فيه دلع ) .
محاولة نسيان الامور الخارجية (حب - لعب - زحف شباب - غزل بنات - الخ)الامور السابقة اجلها الى بعد 45 او بعد انتهاء الدورة افضل لانك رااح تكون في مرحلة انتقالية من الحياة المدنية الى الحياة العسكرية وحط في بالك ان العسكرية ارتباط (مسير ولست مخير).
اما بالنسبة للامور اللي داخل المركز :
رااح تكون عندكم الرياضة والمشاة .
بالنسبة للرياضة رااح تتعبون خلال الاسبوعين الاولى خاصة (اصحاب الوزن الزائد - اللي يحبون النوم بكثرة)
رااح تصحون قبل الفجر بنصف ساعه استعداد للصلاة وبعد الصلاة تكميل وتبداء بعدها الحصة الصباحية مباشرة رياضة لمدة خمسة واربعين دقيقة واحمد ربكم احنا كنا ناخذها ساعة ونصف وبعدين فطور وبعد الفطور حسب الوقت الموجود لديكم لان رااح يكون فرق توقيت بين الشتاء والصيف والساعه الثامنة تبداء حصة المشاة الى الوقت اللي يحدد لكم ثم رااح لصلاة الظهر ثم تكميل غداء وبعدبن تاخذ راحة الى العصر وبعدين تاخذ حصة رياضة وبعدها راحة الى الفجر يتخللها بعض الامور حسب انظباطكم من داخليات وجزاوات وصدقوني انتم في نعمة بهذا الجدول في هذا المركز .
الظباط عموما طيبين جيدين لكن رااح يكون التعامل في الميدان تعامل عسكري (طالب لعسكري )يعني لا تجزع ولا تكدر خاطرك مره ولاتسوي فيها عنتر لانك في الاخير انت الخسران .
الاعاشة جيدة جدا وتحسنت كثير عن السابق وموجد بوفية بالمركزمتوفر فيها الاشياء الضرورية ابشركم فيها لوزين تصبيرة من الوجبة للوجبة لذلك لا تشيلون هم الاعاشة.
بالنسبة للملابس خذ معك ثلاث بدل او اربع حسب اللون لمطلوب منكم واتوقع اخضر كامل وكثروا من الداخلية خاصة سراويل السنه واطلبكم طلب اللي ماعاد يبي سرواله لايرميها في دورة المياة او برا يحطها في كيس الله لا يهينة ويرميها في برميل الزبالة وانتوا بكرامة وخذو معكم مراهم خاضة بالام العضلات وحبوب مسكنة اسبوع اوسبوعين وماراح تحتاجه بعدين لانك رااح تتعود ويقوى جسمك وتقوى عضلاتك وانصحكم بجزم الرياضة الجيدة واللي تدوم وتكون متينه من الاسفل .
بالنسبة للامور الثانية من فتح حسابات وما حسابات رااح تخلصون منها داخل المركز يجون مندوبين البنك ويخلصون اجراتكم من المركز .
هذا انمى افدتكم بالمختصر المفيد .واتنمنى لكم التوفيق ....
اخوكم من مركز الايواء ......................
ا
|
الله يعطيـــــــــــك العافية أخوي مدور وظيفة
بصراحة أفدتنا في حاجات كثيرة أولها الأنضباط والله ماظنيت أحد بينضبط لازم البزوطة شوي
هههههههههههه
وأنت ماأدري مدرب وش نوع تدريبك وسلملي على أبو معتوق الحارثي المدرب خويكم
وعندي سؤال بانسبة للي بيدخل ممنوعات ,,,,,,,, لا تروحون بعيد دخان ترى
كيف يزبنه وأنا داري فيه يبيعون دخان في المركز بالدس لكن غبنة 50 ريال
الظاهر أبطل أصرفلي لكن اليوم كلام وبكرة غير هالكلام لكن علمنا كيف
ندخل الدخان وأنا سمعت الي راح يفتشون عند البوابة هم أفراد سعوديين
يعرفون كل شئ لأنهم مروا عليها قبل كذا
مو باكستانيين غير الدوره ألي قبل عطنا طرق سرية الله لا يهينك 
حلوة طرق سريــــــــــــــــة 