السلام عليكم

بنات انا بفكر بصوت عالي وانتم قولوا لي تفكيري صح والا لا وبدون زعل <<<<الله يخارجنا

اللحين لو جينا لمناطق المملكة بنلاقي الشمالية والوسطى بالعادات والتقاليد شبهين ببعض وماشاء الله احس اغلب البنات بالتويتر والمنتديات نجديات والا شماليات فعرفنا لطباعيهم وكذا

الشرقيه والغربيه احسهم ناس فلة يعني ناس متفتحين عادي يستقبلوا الكل بصدر رحب وما عندهم مشكله

نجي للجنوب واللي اغلب احتياجنا فيه انا وبناء ع سفريتنا وروحاتنا للجنوب الا احس انهم ناس منغلقين ما نعرف عادتهم وتقاليدهم الاصلية الموجودة بمناطقهم وحتى البنات اللي درسنا معاهم بالجامعات نسالهم يقولوا ما نعرف لها كثير وحتى لو نقلوا لك بعض من عادات بيتهم حتلاقي فيها تاثر واضح بالبيئه اللي نشوا فيها (طبعا اقصد المنطقه اللي انتقلوا لها ) وانا مره قرات لبنت توظفت برجال المع تقول هناك تحسيهم يبغوا الوظايف لبناتهم وانا مره قدمت ع جامعة الباحة وطلع اسمي بالمخواه وانا بس كنت رايحة للاختبار مو متوظفه وكان الوالد كل ما يسال احد يقولوا له وش جايبك هنا بناتنا مقدمات ومطلع اساميهم ايش معنا اسم بنتك يطلع (ابوي سال 3 اشخاص كلهم اول سؤال انت من فين وليش جاي )

بنات الجنوب ان شاء الله ما يزعلوا علي بس انا خايفة من الجنوب وتعاملهم بعد كذا فابغى بنت تكون هناك عايشه تنقل لنا عادتهم وكمان لو بنت اختها والا بنت عمها توظفت بالجنوب وكذا تنقل لنا تجربتها لان انا ما عندي مشكلة ان شاء الله اتوظف براس جبل اطلع له برجولي بس يكون مرحب بالشخص هناك وما يكون فيه سوء معاملة لاننا حنعيش هناك 3او 4 سنوات